«قىتاي ۇكىمەتى مەن قازاقستان اراسىنداعى كەلىسىمدەردىڭ اياسىندا بۇگىندە جاڭا وندىرىستەردى ۇيىمداستىرۋ جوباسى پىسىقتالۋدا. «KERUI GROUP» كومپانياسىمەن ىنتىماقتاسىپ وتىرعانىمىزعا 3 جىل بولدى. پ ا م ج ز- دا وسى جوبا اۋقىمىندا اتالعان كومپانيامەن جوعارى تەحنولوگيالىق زاماناۋي مۇناي جابدىقتارىنىڭ جاڭا تۇرلەرى ءوندىرىسىن باستاۋ جوسپارلانىپ وتىر. سالماعى 300 دەن 650 تونناعا، تەرەڭدىگى 10 شاقىرىمعا دەيىن جەتەتىن ستاتسيونارلىق بۇرعىلاۋ قۇرىلعىلارىن شىعارۋ كوزدەلۋدە. سونداي-اق كەدەن وداعى اياسىندا بەلسەندى جۇمىس ىستەپ، ءونىمدى ر ف- عا ەكسپورتتايمىز. جوبانى ىسكە اسىرۋعا بيىلعى جىلى كىرىسەمىز»، - دەپ حابارلادى پ ا م ج ز باس ديرەكتورى قۋانىش ءبيشىموۆ.
ءوندىرىستى «پ ا م ج ز» ا ق- نىڭ بوس تۇرعان الاڭدارىندا ىسكە قوسۋ جوسپارلانۋدا.
«ءبىز مۇندا مۇناي جابدىقتارى ءوندىرىسىنىڭ ەڭ زاماناۋي جوعارى تەحنولوگيالارىن جەتكىزەمىز. پ ا م ج ز قازاقستاندا ستاتسيونارلىق بۇرعىلاۋ قۇرىلعىلارىن شىعاراتىن العاشقى زاۋىت بولادى»، - دەپ سەندىردى «KERUI GROUP» كومپانياسىنىڭ قازاقستانداعى فيليالىنىڭ باس ديرەكتورى ۆان سينفەن.
«KERUI GROUP» كومپانياسىنىڭ قازاقستانداعى فيليالىنىڭ باس ديرەكتورى ۆان سينفەنمەن كەزدەسۋدى اياقتاي وتىرىپ، ءوڭىر باسشىسى اتالعان جوبانى سولتۇستىك قازاقستاندا ىسكە اسىرۋدىڭ ماڭىزىن اتاپ ءوتتى.