ءبىزدىڭ قىزدارعا ازىرشە قارسىلاس جوق

استانا. قازاقپارات - نەگىزى بار. ءبىراق شاق كەلتىرمەي جاتىر، ءبىزدىڭ قىزدار.

ايتايىق دەگەنىمىز، يندونەزيادا گاندبولدان قۇرلىقتىق جارىس باستالدى.

ازيا بىرىنشىلىگىنە ءبىزدىڭ كوماندا دا تىڭعىلىقتى دايىندالدى.

قازاقستاننىڭ قول دوبى شەبەرلەرى كەشە وزبەكستانمەن كەزدەسكەن ەدى. ويىن تىزگىنىن بىردەن وزدەرىنە الىپ، 40:23 ەسەبىمەن جەڭىسكە جەتتى. ەكىنشى تۋرداعى قارسىلاس -  يندونەزيا. قازاقستان قۇراماسى ساناۋلى مينۋتتار بۇرىن الاڭ يەلەرىمەن كەزدەسىپ، ءبىرىنشى تايمنان كەيىن 32:2 ەسەبىمەن العا شىقتى.

مارينا پيكالوۆا سەكىلدى تاجىربيەلى ويىنشىلار دانا ابىلديەۆا سىندى جاستارمەن بىرگە ونەر كورسەتىپ، ورەلەرىنىڭ بيىك ەكەنىن بايقاتتى. قاقپادا جانات ايتەنوۆا. ۆەرونيكا الياسينا مەن اناستاسيا رودينانىڭ دە وزىندىك ونەرى جۇرت كوڭىلىنەن شىقتى.

يرينا الەكساندروۆانىڭ شەبەرلىگى دە ماماندارعا ۇنادى. تارتىستى ويىندار ءالى الدا. قىتاي مەن جاپونيا، اسىرەسە وڭتۇستىك كورەيا چەمپيون اتانۋدى ويلايدى. ءبىزدىڭ قىزدار دا نامىستىڭ قۇنىن بىلەدى.

khabar.kz