قازاقستاندا توقال الۋدى زاڭداستىرۋ قاجەت پە؟
بۇل تۋرالى anabol.kz سايتى حابارلايدى.
ساياسات تانۋشى ماقسات جاقاۋ 2 نەمەسە 4 ايەل الۋدى زاڭداستىرۋ ۋاقىت تالابى ەكەنىن ايتتى.
«زاڭداستىرۋ دەگەنىمىز - ايەلدەردىڭ قۇقىقتىق- ماتەريالدىق مۇمكىندىكتەرگە يە بولۋى. ويتكەنى، توقال الۋدى زاڭداستىرماۋ ازاماتتىق جاۋاپكەرشىلىگى انىقتالماعان ازاماتتىق نەكەنىڭ نىسانىمەن عانا شەكتەلەدى. ەكىنشى ماسەلە، سول ايەلدەن تۋىلعان بالالارى بولسا، ولاردىڭ دا تولىق وتباسىدا ءومىر سۇرۋىنە، بالانىڭ تولىق قولجەتىمدى دۇنيەلەرىنە جول اشىلادى»، - دەيدى ماقسات جاقاۋ.
سول ايەلدەن تۋىلعان بالالارى بولسا، ولاردىڭ دا تولىق وتباسىدا ءومىر سۇرۋىنە، ءتيىستى بالانىڭ تولىق قولجەتىمدى دۇنيەلەرىنە جول اشىلادى.
ونىڭ پىكىرىنشە، مۇراگەرلىكتى ايتپاعاننىڭ وزىندە، بالا اكەسىنىڭ زاڭدى بالاسى ءارى بالالىق پسيحولوگيالىق قىسپاقتان ادا بولادى.
«ۇشىنشىدەن، ەشقانداي ءدىني دە، ازاماتتىق- تۇرمىستىق قارىم- قاتىناستىق تارتىپتەرگە قايشى كەلمەي سانالى زاڭدى قادامدارمەن ءومىر سۇرۋگە قول جەتكىزەدى. سوندىقتان، قاجەتتىلىك تۋىنداعان جاعدايدا قوعامداعى وتباسىلىق پروبلەمالاردىڭ الدىن الۋ ءۇشىن، قوعامدىق وتباسى ينستيتۋتتارىن شايقالتپاۋ ءۇشىن دە «توقالدىقتى نەمەسە بىرنەشە ايەل الۋ تۋرالى زاڭدى» ەنگىزۋ قاجەت دەپ سانايمىن ءبىراق بۇنىڭ دا ءتيىستى- قاجەتتى وتباسىلىق تۋىنداعان كەزدە عانا، بايبىشەسىنىڭ تولىق كەلىسىمىمەن كۇشىنە ەنۋى» نەكە تۋرالى كەلىسىم- شارتتىڭ «نەگىزىندە جۇزەگە اسۋى كەرەك»، - دەپ قورىتىندىلادى ول ءوز ويىن.
ال تانىمال ساياساتتانۋشى ايدوس سارىم توقال الۋدى زاڭداستىرۋدىڭ قاجەتى جوقتىعىن، ءتىپتى، بۇل مەملەكەت دارەجەسىنە كوتەرەتىندەي ماسەلە ەمەستىگىن ايتادى.
«توقال الۋدى زاڭداستىرۋدى قاجەت دەپ ويلامايمىن، مەنىڭ ويىمشا، ول ءار ادامنىڭ جەكە باسىنىڭ نەمەسە تابيعاتتىڭ، ادامگەرشىلىكتىڭ ماسەلەسى. ونىڭ باسقا دا رەتتەرى بار، ونى قوعام بولىپ تالقىلاۋعا مۇلدە كەلمەيدى. مەن از دا بولسا ءومىر كورگەن ادام رەتىندە ايتارىم، ەشبىر انا، ەشبىر ايەل توقالدىققا كەلىسىم بەرە بەرمەيدى. بىرىنشىدەن، قوعامدىق تۇرعىدا، مەنتاليتەتىمىزدەن اتتاپ كەتە المايدى. توتاليتارلىق تۇرعىداعى سالتتى ەشكىم بۇزىپ كەتپەيدى. بۇل دا انىق نارسە. بۇل ماسەلە ءار ادامنىڭ جەكە ومىرىنە قاتىستى، ونى مەملەكەت دارەجەسىنە كوتەرەتىندەي ماسەلە ەمەس دەپ ويلايمىن»، - دەپ پىكىر ءبىلدىردى ايدوس سارىم.