باقىت جۇماتوۆا بولاشاقتا قازاقستاندى ايەل باسقاراتىنىن بولجادى
بۇل تۋرالى «بيتۆا ەكستراسەنسوۆ» تەلەشوۋىنىڭ اقتىق سىنىنا قاتىسقان ورالدىق كورىپكەل باقىت جۇماتوۆا Regtv.kz پورتالىنا بەرگەن سۇحباتىندا ايتتى دەپ حابارلايدى ult.kz.
كورىپكەل ايەل نۇرسۇلتان نازاربايەۆتىڭ قازاقستاندى 2018-جىلعا دەيىن باسقاراتىنىن ايتىپ وتىر. سونداي-اق، ەكستراسەنس قازاقستاندا بيلىك باسىنا ايەل ادامنىڭ كەلەتىنىن بولجايدى.
قازىر الەمدە بولىپ جاتقان قاقتىعىستار، شيەلەنىستەر، سانكسيالار سوعىسى 2017-جىلعا دەيىن جالعاسادى دەيدى باقىت جۇماتوۆ. كەيىن الەم ەكونوميكاسى تۇراقتانا تۇسەدى.
ال 2015-جىل قازاقستان ەكونوميكاسى ءۇشىن ايتارلىقتاي اۋىر بولمايدى، ءتىپتى ازداپ ءوسىم بايقالاتىن بولادى دەيدى. كورىپكەل سايلاۋدان كەيىن ۇلتتىق ۆاليۋتا تەڭگە ءبىراز وزگەرىسكە ۇشىراپ، دوللاردىڭ قۇنى 250 گە دەيىن وسەتىنىن بولجايدى.
باقىت جۇماتوۆا ەۋرازيالىق ەكونوميكالىق وداقتىڭ بولاشاعى زور دەپ سانايدى. ۇزاماي بۇل وداققا قىتاي، كورەيا، جاپونيا سەكىلدى دەرجاۆالار قوسىلۋى مۇمكىن دەگەن وي ايتادى. كورىپكەل قازاقستان قازبا بايلىقتارىنا ءالى دە باي، اسىرەسە جەر استىندا مۇناي مەن التىن قورىنىڭ كوپ ەكەنىن ايتادى.