ز. دياس الەمنىڭ ءبىرىنشى راكەتكاسى س. ۋيليامسكە جول بەردى

استانا. قازاقپارات - ا ق ش- تىڭ ينديان-ۋەللس قالاسىندا ءوتىپ جاتقان تەننيستەن حالىقارالىق تۋرنيردە قازاقستاندىق زارينا دياس ءۇشىنشى اينالىمدا الەمنىڭ ءبىرىنشى راكەتكاسى سەرەنا ۋيليامسكە جول بەردى.

چەمپيونات. كوم سايتىنان الىنعان مالىمەتكە قاراعاندا، س. ۋيليامس 6:2, 6:0 ەسەبىمەن جەڭىسكە جەتتى.

ءسويتىپ، زارينا الەمدىك رەيتينگتىڭ كوش باسىندا كەلە جاتقان تەننيسشىمەن دە كەزدەسىپ كوردى. بۇعان دەيىن ول وتكەن جىلى قازىر الەمنىڭ ءۇشىنشى راكەتكاسى، رۋمىنيالىق سيمونا حالەپتەن ەكى رەت وتە الماسا، بيىل رەيتينگتە ەكىنشى ورىنداعى رەسەيلىك ماريا شاراپوۆادان دا جەڭىلدى. دەگەنمەن بيىل الەمنىڭ ۇزدىك ون تەننيسشىسىنىڭ قاتارىنا كىرەتىن گەرمانيالىق اندرەا پەتكوۆيچتى ۇتتى.

ايتا كەتەيىك، سەرەنا ۋيلمس ينديان-ۋەللس تۋرنيرىندە 2001-جىلعى جارىستا ءوزىنىڭ جانە اپاسى ۆينۋستىڭ اتىنا ايتىلعان ناسىلشىلدىك جانە «جارتىلاي فينالدا كەلىسىپ، ءبىرى ەكىنشىسىنە جول بەردى» دەگەن ايىپتاۋ سوزدەرگە بايلانىستى سودان بەرى بۇل جارىستان باس تارتىپ كەلگەن بولاتىن. بيىل قايتا ورالعان ول - چەمپيوندىقتان باستى ۇمىتكەرلەردىڭ ءبىرى.

اۆتور: ەلجان ەرالى