ق ر ۇلتتىق مۋزەيى ناۋرىز مەرەكەسىنە وراي «ءبىز بىرگەمىز!» اكسياسىن وتكىزەدى
08:55, 16 - ناۋرىز 2015
استانا. قازاقپارات - 16- ناۋرىز كۇنى قازاقستان رەسپۋبليكاسى ۇلتتىق مۋزەيىندە «ناۋرىز - بەرەكە باستاۋى» اتتى دوڭگەلەك ۇستەل وتەدى، دەپ حابارلادى مۋزەيدىڭ باسپا ءسوز قىزمەتىنەن.
شارا شەڭبەرىندە «قاۋىشۋ» ءراسىمى جاسالىپ، قوناقتارعا ارنايى مۋزەيگە ەكسكۋرسيا ۇيىمداستىرىلادى.
دوڭگەلەك ۇستەلگە پارلامەنت ءماجىلىسىنىڭ دەپۋتاتتارى - زۋحرا ساياپوۆا، مەيرام بەگەنتايەۆ، مۇرات احماديەۆ، روزاقۇل حالمۇرادوۆ، سونداي-اق، ق ر مادەنيەت جانە سپورت مينيسترلىگى، مادەنيەت جانە ونەر ىستەرى كوميتەتىنىڭ ءتورايىمى اقتوتى رايىمقۇلوۆا، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى سەرىك نەگيموۆ، تاريح عىلىمدارىنىڭ دوكتورى، پروفەسسور جامبىل ارتىقبايەۆ سىندى بەلگىلى ازاماتتار قاتىسادى.
دوڭگەلەك ۇستەل سوڭىندا قاتىسۋشىلار ۇندەۋ جاريالايدى. سول ارقىلى «ءبىز بىرگەمىز! » اكسياسىن قولعا الىپ، مەيرام كۇندەرى كورشىلەردى، ارىپتەستەردى مەرەكەلىك داستارحانعا شاقىرىپ، ءتول مادەنيەتىمىز بەن ءداستۇرىمىزدى ناسيحاتتاۋدى ۇسىنادى.