ىستامبۇل- الماتى رەيسىمەن كەلگەن جولاۋشى ەبولا بەزگەگىنە شالدىققان بولۋى مۇمكىن

استانا. قازاقپارات - ەبولا بەزگەگىنە شالدىعۋى مۇمكىن دەگەن كۇدىكپەن ۇستالعان جولاۋشىعا قاتىستى ساراپتاما قورىتىندىسى 20 ساعاتتان كەيىن بەلگىلى بولادى.

ازىرگە وعان وتكىر رەسپيراتورلىق ۆيرۋس جۇقتىردى دەگەن دياگنوز قويىلىپ وتىر.

بۇل تۋرالى ۇلتىق ەكونوميكا مينيسترلىگى تۇتىنۋشىلاردىڭ قۇقىعىن قورعاۋ كوميتەتى حابارلادى. ءقازىر ناۋقاستىڭ دەنە قىزۋى قالىپتى. ال ول وتىرعان ۇشاق سانيتارلىق تۇراققا جونەلتىلدى. ونداعى 126 جولاۋشىنىڭ بارلىعى دا قاتاڭ باقىلاۋعا الىندى.

ەستەرىڭىزگە سالايىق، بۇگىن ساعات 7:00 شاماسىندا گۆينەيا- ىستامبۇل- الماتى باعىتىمەن كەلگەن جولاۋشى ەبولاعا شالدىقتى دەگەن كۇدىكپەن ۇستالعان بولاتىن. كۇمان تۋدىرعان 37 جاستاعى رەسەيلىك ازامات 5 كۇن ءىس- ساپارمەن گۆينەيادا بولعان، ال سوڭعى 3 كۇن ىشىندە دەنە قىزۋى كوتەرىلگەن.

www.24.kz