فۋتبول: ەۋروپا ارەناسىندا قازاقستان ابىرويىن كوتەرۋ مىندەتى تۇر - ە. قوجاعاپانوۆ

استانا. قازاقپارات - قازاقستان فۋتبول فەدەراتسياسىنىڭ كەڭسەسىندە فەدەراتسيا پرەزيدەنتى ەرلان قوجاعاپانوۆتىڭ توراعالىعىمەن جاتتىقتىرۋشىلار كەڭەسى ءوتتى.

جاتتىقتىرۋشىلار كەڭەسىندە ۇلتتىق، جاستار جانە جاسوسپىرىمدەر قۇرامالارى باپكەرلەرىنىڭ ەسەبى تىڭدالدى.

بۇل تۋرالى قازاقستان فۋتبول فەدەراتسياسىنىڭ باسپا ءسوز قىزمەتىنەن حابارلاندى.

جيىن بارىسىندا قازاقستان ۇلتتىق قۇراماسىنىڭ 28 جانە 31 - ناۋرىز كۇندەرىنە يسلانديا مەن رەسەيمەن وتكىزەتىن ويىنعا دايىندىق جوسپارى تالقىلاندى. سونىمەن قاتار، ۇلتتىق قۇراما مۇشەلەرىن مەديتسينالىق تۇرعىدان قولداۋ، 23 جاسقا دەيىنگى فۋتبولشىلاردىڭ قۇراماسىن جاساقتاۋ ماسەلەسى ايتىلدى. مۇندا جاس ەرەكشەلىگى بويىنشا جاستار قۇراماسىنان وتكەن تالانتتى ويىنشىلار جينالادى. ولار كلۋبتارداعى ويىن تاجىريبەسىنىڭ جەتىسپەۋىنەن ازىرگە ۇلتتىق قۇراماعا ىلىگە الماۋدا.

قازاقستان جاستار قۇراماسىنىڭ اعا جاتتىقتىرۋشىسى ساۋليۋس شيرمياليس ءوز كومانداسىنىڭ دوستاستىق كۋبوگىنداعى ىلگەرى تۇستارىن ايتا وتىرىپ، پروبلەمالىق پوزيتسيالارعا دا توقتالدى.

«ءبىزدىڭ باستى ماسەلە - ورتالىق الاڭدا وينايتىن فۋتبولشى جوق. ولار بۇل پوزيتسيا بويىنشا پرەمەر- ليگا كلۋبتارىندا وينامايدى. «قايرات» ساپىندا تيمۋر رۋدوسەلسكيدىڭ ماۋسىمدى ورتالىق قورعاۋشى رەتىندە باستاعانى قۋانتادى. جۋكوۆ - «استانا» كومانداسىنىڭ ورتالىق جارتىلاي قورعاۋشىسى. مەن كلۋبتاردىڭ تۇركيادا وتكىزگەن وقۋ- جاتتىعۋ جيىنىن قاراپ شىقتىم. بىرنەشە جاڭا فۋتبولشىنىڭ ويىنىن كوردىم. سونىمەن قاتار، گەرمانيادا ءبىزدىڭ قۇرامانى كۇشەيتە تۇسەتىن 1-2 ويىنشى بار»، دەدى ول.

قازاقستان فۋتبول فەدەراتسياسىنىڭ پرەزيدەنتى ەرلان قوجاعاپانوۆ جاتتىقتىرۋشىلار كەڭەسىن قورىتىندىلاي كەلە، قۇراما كوماندالاردىڭ الدىنا 2015 - جىلعا تاپسىرما قويدى. مىندەت - ىرىكتەۋ تۋرنيرلەرىندە جوعارى ناتيجەگە قول جەتكىزۋ.

«ءبىزدىڭ الدىمىزدا تارتىستى ويىن كورسەتىپ، يسلانديا قۇراماسىمەن وتكىزەتىن كەزدەسۋدە وڭ ناتيجەگە جەتۋ مىندەتى تۇر. - جاستار قۇراماسى جاقىندا ەۋرو-2017 ىرىكتەۋ تۋرنيرىنە قاتىسادى. ءبىز جاستار فۋتبولىندا انگليا مەن نورۆەگيا قۇرامالارىنىڭ كوشباسشى ەكەنىن بىلەمىز، الايدا شۆەيتساريا مەن بوسنيا جانە گەرتسەگوۆينا قۇرامالارىنان ۇپاي الۋعا بولادى. كارلەس مارتورەلل مەن ويرات ءسادۋوۆ قازاقستان جاسوسپىرىمدەر قۇراماسىمەن العاش رەت رەسمي ماتچ وتكىزبەك. سىزدەردىڭ الدارىڭىزدا ءبىزدىڭ جاسوسپىرىمدەردى وسى ويىندارعا دايىنداپ، ەۋروپا ارەناسىندا قازاقستان ابىرويىن كوتەرۋ مىندەتى تۇر»، - دەدى قازاقستان فۋتبول فەدەراتسياسىنىڭ پرەزيدەنتى ەرلان قوجاعاپانوۆ.

اۆتور: قانات مامەتقازى ۇلى