جايساڭ جەزدە جانە جايساڭ جەزدە جانە قيسىق قالجىڭ
الماتى مەن سەمەي قالاسىنداعى باۋىر - قارىنداستارىم تۇگەل جينالىپ، كۇندىز -ءتۇنى كۇزەتىپ، قاجەت ءدارى - دارمەكتەردى، دارىگەردى قالادان الدىرتىپ جاتتى...
ەل ىشىندە ءارتۇرلى سىبىستار تاراپ، اقىل - ەسىنەن اۋىسىپتى دەگەن سوزدەر دە تاراپ كەتكەن ەكەن!!!
ءبىر كۇنى اڭقىلداعان قاسەن دەگەن جەزدەم، پالاتانىڭ تەرەزەسىنىڭ تۇبىندە جاتقان مەنىمەن ەمەس، مەنى كۇزەتىپ وتىرعان مارات دەگەن ىنىمە: - قالاي سويلەي الادى ما؟!! تاماق جەي الادى ما؟ كىسى تانيدى ما؟ - دەگەن سۇراقتار قويا باستادى... مەن ىنىمە: - اياعىنا باحيل كيگىزىپ، ۇستىنە حالات جامىلتىپ پالاتاعا كىرگىز، - دەدىم. اڭقىلداپ پالاتاعا كىرىپ كەلگەن جەزدەم: - قۇداي ساقتاپ امان قالىپسىڭ، مىناۋ اپايىڭ بەرىپ جىبەرگەن سالەمدەمە، - دەپ، ءبىر كاستريۋل پەلمەندى (تۇشپارا) ستولعا قويدى.
مەنى قانداي جىن قىسقانىن بىلمەيمىن: - ءسىز كىمسىز؟ - دەدىم. جەزدەم بىرەۋ توبەدەن ۇرعانداي تۇرىپ قالدى دا، ءبىرازدان سوڭ: - مەن - قاسەنمىن عوي، جەزدەڭمىن - دەگەنى. مەن: - قاي قاسەنسىڭ؟ ناۋالىداعى سوقىر قاسەنسىڭ بە؟ - دەدىم كوزىمدى قاداپ.
ول وتىرىك ەسىنەپ، كوزىن تايدىرىپ اسپانعا قاراپ: - قاراعىم ءتاۋىر بولىپ كەتەسىڭ، - دەگەندە، اۋزىمداعى قۇرتتى كورسەتىپ: - مىناۋ قانداي كامپيت؟ - دەدىم، ءتىپتى رولگە كىرىپ الىپ...
سول مەزەتتە مەنى كۇزەتىپ وتىرعان ءىنىم كۇلكىدەن شىداماي، وتىرعان توسەگىنە ەكپەتىنەن جاتا قالىپ سەلكىلدەپ كۇلە جونەلدى... مەنى دە كۇلكى قىسىپ، بەتىمدى پروستىنيامەن جاۋىپ الىپ سەلكىلدەپ جاتىرمىن. كۇلىپ بولعاننان سوڭ ادامشا: - قاسەكە قالىڭىز قالاي؟ مال- جان امان با، - دەپ ەدىم، ول كىسى اڭىرايىپ قالدى...
ءبىراز ۇزىلىستەن كەيىن: - پەلمەن دەگەن اس پا؟ ءتۇبى جوق شەلەكتەن تۇسكەندەي، سالدىرلاپ ءتۇسىپ قالادى، ۇيدەگى كەلىنىڭىز نە قوي سويا المايدى، - دەپ، قالجىڭدادىم... قاتتى ساسقان جەزدەم: - ءتاۋىر بولىپ كەتەسىڭ، قوي مەن كەتەيىن، تەز جازىلىپ كەت - دەپ، پالاتادان شىعا جونەلدى!!!
ۇزىن ءسوزدىڭ قىسقاسى، تاماق ىشە الماي جاتقان ماعان جەزدەم جارتى قويدىڭ ەتىپ ءپىسىرتىپ، "قويىلىم" الىپ كەلىپتى.. . جانى جايساڭ جەزدەم- اي، جانىڭ ءجانناتتا بولسىن!!!
Facebook-تەگى پاراقشاسىنان