تارازدا شىركەۋ عيباداتحاناسى ورتەندى

تاراز. قازاقپارات - كەشە، 13 - ناۋرىزدا تاراز ماڭىنداعى پوكروۆ عيباداتحاناسى وتقا وراندى.

جامبىل وبلىستىق ت ج د باسپا ءسوز قىزمەتىنەن حابارلاعانداي، بۇل تۋرالى حابار دەپارتامەنتكە ساعات 13:08 دە كەلىپ تۇسكەن.

«ءورت سوندىرۋشىلەر وقيعا ورنىنا ساعات 13:12 دە جەتتى. وتپەن ارپالىسۋعا 18 قۇتقارۋشى مەن 5 تەحنيكا تارتىلدى. ساعات 14:17 دە ءورت تولىعىمەن ءوشىرىلدى»، - دەدى جامبىل وبلىستىق ت ج د باسپا ءسوز قىزمەتىنىڭ وكىلى ساۋلە مۇڭاتايەۆا.

ونىڭ سوزىنە قاراعاندا، قوسالقى عيمارات زارداپ شەكتى، جالپى اۋماعى 60 شارشى مەتردى قۇرايتىن عيباداتحانانىڭ اعاش شاتىرى كۇيىپ كەتتى. جاپا شەككەندەر جوق. ءدىني مەكەمەدەگى مۇلىكتەر تولىق ساقتالىپ قالدى.

«قازىر ءورتتىڭ تۋىنداۋ سەبەپتەرى انىقتالىپ جاتىر. ەلەكتر جەلىسىنەن شىققان اقاۋلىق سەبەپ بولۋى مۇمكىن. انىق- قانىعى الداعى ۋاقىتتا بەلگىلى بولادى»، - دەدى جامبىل وبلىستىق ت ج د باسپا ءسوز قىزمەتىنەن.