شىمكەنتتە «كۇش اتاسىن تانىماس» اتتى بايقاۋ وتۋدە
20:11, 13 - ناۋرىز 2015
استانا. قازاقپارات - شىمكەنتتە «كۇش اتاسىن تانىماس» اتتى بايقاۋدىڭ اقتىق سىنىنا جىگىتتەر ىرىكتەلىپ جاتىر، دەپ حابارلايدى Bnews.kz ءتىلشىسى.
«وڭتۇستىك سيرك» مەملەكەتتىك كوممۋنالدىق كاسىپورنىنىڭ باسپا ءسوز حاتشىسى ءمادينا جۇماباي قىزىنىڭ ايتۋىنشا، بايقاۋعا وڭتۇستىك قازاقستان وبلىسى مادەنيەت باسقارماسى، ىشكى ساياسات جانە ءدىن ىستەرى باسقارماسى، دەنە شىنىقتىرۋ جانە سپورت باسقارماسى مەن «قازاقستان- شىمكەنت» تەلەارناسى جانە «وڭتۇستىك سيرك» مەكەمەسى قولداۋ بىلدىرۋدە.
«بۇل شارا قازاق حاندىعىنىڭ 550 جىلدىعىنا وراي ۇيىمداستىرىلۋدا.
«كۇش اتاسىن تانىماس» تاقىرىبىنداعى سايىستىڭ ماقساتى - وڭتۇستىك جاستارى اراسىندا سالاۋاتتى ءومىر سالتىن قالىپتاستىرۋ، سيرك ونەرىنە دەگەن قۇشتارلىقتى وياتۋ جانە جىگەرلى، بىلىكتى جاستاردى انىقتاپ، قولداۋ كورسەتۋ بولىپ تابىلادى»، - دەيدى ول.
باسپا ءسوز حاتشىسى بايقاۋعا 18 بەن 35 جاس ارالىعىنداعى جىگىتتەر ىرىكتەلىپ، اقتىق مارەگە جىبەرىلەتىنىن ايتادى.