قازىر ءبىلىم- بىلىگى، پايىم- پاراساتى جوعارى جاستاردى ىرىكتەۋدىڭ تەتىكتەرى قاراستىرىلىپ جاتىر. سۇزگىدەن وتكەندەر ارنايى سالالىق باعدارلاما بويىنشا وقىتىلىپ، تاجىريبە جيناۋ ءۇشىن كاسىبي الاڭدارعا جىبەرىلەدى.
ءبىلىمى مەن كاسىبي شەبەرلىگىن كورسەتە العان ازاماتتار لاۋازىمدى قىزمەتتەرگە تاعايىندالادى. «ەل دامۋىنا تىكەلەي ىقپال ەتەتىن ەكونوميكالىق باعدارلامالاردى ساپالى ىسكە اسىرۋ ءۇشىن كاسىبي جانە دەربەس مەملەكەتتىك اپپارات قالىپتاستىرۋ قاجەت»، - دەيدى ماماندار.
سايان احمەتجانوۆ، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى:
- مەملەكەتتىك قىزمەتتى كاسىبيلەندىرۋ، مەملەكەتتىك قىزمەتتىڭ اشىقتىعى، مەملەكەتتىك قىزمەتتە، ءوزىنىڭ جەكە قىزمەتتىك ومىرىندە ساتى- ساتىمەن جوعارىلاۋى سىندى تالاپتاردى نىعايتىپ جاتىرمىز. ادامنىڭ مۇمكىنشىلىگىمەن جۇمىس ىستەۋ، ادامنىڭ قىزمەتتىك جىگەرىن تابۋ، كوتەرۋ، ۇيرەتۋ ولاردى ارنايى اشىق مەملەكەتتىك قىزمەت ساتىسىنا كوتەرۋ، جىلجۋىنا كومەكتەسۋ. سول ەڭ باستى - ماسەلە.
ءاليحان بايمەنوۆ، مەملەكەتتىك قىزمەت سالاسىنداعى وڭىرلىك ح ا ب باسقارۋ كوميتەتىنىڭ ءتوراعاسى:
- پاتروناجدى قارىم- قاتىناستاردى ازايتىپ، مەريتوكراتيا قاعيداتتارىن ەنگىزۋ. ياعني جۇمىسقا كەلگەن ءاربىر ادام ول قىزمەتكە ءوزىنىڭ ءبىلىمى، بىلىگىنە سۇيەنىپ كەلگەنىن ءبىلۋى كەرەك. ەكىنشىدەن، كارەرالىق جۇيە - ول مەملەكەتتىك قىزمەتكە تومەنگى ساتىعا كىرگەننەن سوڭ ارى قاراي ساتىلاپ قانا كوتەرىلەتىن جۇيەگە اۋىسۋ. 15 جىل بۇرىن كونكۋرستىق جۇيەنى العاشقى ت م د اراسىندا ەنگىزدىك. العاش بولىپ ساياسي- اكىمشىلىك قىزمەتشىلەردى بولدىك. ەندى، مىنە، كاسىبيلىكتى قورعاۋدىڭ جاڭا جۇيەسىن ەنگىزدىك.
www.24.kz