ساتۋرن سەرىگىنەن تىرشىلىك كوزى تابىلدى
15:23, 13 - ناۋرىز 2015
استانا. قازاقپارات - عالىمدار ساتۋرن سەرىكتەرىنىڭ بىرىنەن ىستىق مۇحيت سۋىن تاپتى.
عارىشتى زەرتتەۋشىلەردىڭ پايىمىنشا، بۇل ەنسەلادتا تىرشىلىك كوزى بار دەگەندى بىلدىرەدى. اۆتورلار زەرتتەۋ ناتيجەسىن Nature جۋرنالىندا جاريالاعان.
ولار مۇحيت مۇزدى قاباتتىڭ استىندا 40 شاقىرىم تەرەڭدىكتە ورنالاسقان دەپ باعامدايدى. ونىڭ قىرتىسىندا سۋدى 90 گرادۋسقا دەيىن قىزدىراتىن ىستىق قاينار كوزدەرى بار كورىنەدى. پلانەتاارالىق «كاسسيني» ستانساسى ەنسەلادانىڭ وڭتۇستىك پوليۋسىنەن ىستىق بۇرقاقتاردى 10 جىل بۇرىن تاپقان.
ياسۋحيتو سەكينە، توكيو ۋنيۆەرسيتەتىنىڭ پروفەسسورى:
- ءبىز مارستا بۇرىن مۇحيتتار مەن ىستىق تەمپەراتۋرا بولعانىن شامالاپ بىلەمىز، ءبىراق قازىر ول - قۇرعاق ءارى سۋىق عالامشار. ال ەنسەلادتا مۇحيت پەن ىستىق ءبىر- بىرىمەن استاسىپ جاتىر. بۇل جاڭالىق وندا ءتىرى اعزالار بولۋى مۇمكىن دەپ پايىمداۋعا جول اشادى.
www.24.kz