ا ق ش ەلشىسى قىمىز بەن شۇباتتى كوبىرەك ىشۋگە كەڭەس بەرەدى
ايتا كەتەيىك، كونفەرەنتسيا بارىسىندا اۋىل شارۋاشىلىعى ءمينيسترى اسىلجان مامىتبەكوۆ ارزان ءسۇت ۇنتاقتارىن پايدالانىپ، دۇكەندەردە ونى «تابيعي ءسۇت» رەتىندە ساتاتىنداردى سىنعا العان بولاتىن.
ونىڭ ايتۋىنشا، قازىر ءسۇت ونىمدەرىن شىعاراتىن زاۋىتتارعا تابيعي ءسۇتتى ساتىپ العاننان گورى رەسەيدەن اكەلىنەتىن ارزان ۇنتاقتى پايدالانىپ، سونى تابيعي ءسۇت رەتىندە ساۋداعا شىعارۋ ءتيىمدى. «وكىنىشكە قاراي، ءبىزدىڭ نارىقتا تۇتىنۋشىلاردى الداۋ باسىم. ماسەلەن، ءسۇت دەگەن اتاۋعا لايىق ەمەس تاۋاردىڭ سىرتىنا «تابيعي ءسۇت» دەپ جازىپ قويادى»، - دەدى ا. مامىتبەكوۆ.
ءوز كەزەگىندە ا ق ش ەلشىسى دجوردج كرول مىرزا ءمينيستردىڭ سوزىمەن كەلىسە وتىرىپ، ونى تولىعىمەن قولدايتىنىن ايتىپ قالدى. «شىندىعىندا، قازاقستاندا دۇكەن ارالاعاندا قاعاز ءسۇت قوراپتارىنىڭ سىرتىندا، ءسۇت پاكەتتەرىندە جازىلعاندى وقىپ، مەن شىنىمەن بۇل تابيعي ءسۇت پە دەپ كۇماندانامىن. سوندىقتان دا، مەن شۇبات پەن قىمىزدىڭ ۇلكەن قولداۋشىسىمىن. جۇرت قىمىز بەن شۇبات ءىشسىن. ولار اعزاعا وتە پايدالى»، - دەدى ا ق ش ەلشىسى.
سونىمەن قاتار، دجوردج كرول شۇبات پەن قىمىزدىڭ الەمدەگى ازىق- تۇلىك قاۋىپسىزدىگىنە دە قوسار ۇلەسى زور ەكەنىن اتاپ ءوتتى. «مەن جالپى قىمىز بەن شۇباتتى قولدايمىن»، - دەدى ول.