قازاقستاندىق ستۋدەنتتەر شاڭحايدا ق ر پرەزيدەنتىنىڭ سايلاۋىن وتكىزۋگە بايلانىستى باستاماشىل توپ قۇردى
مۇنداي شەشىم شاڭحاي قالاسىنداعى ق ر باس كونسۋلدىعىنىڭ كونسۋلى، سونداي-اق ق ر ب ع م «حالىقارالىق باعدارلامالار ورتالىعىنىڭ ازياداعى جانە وكەانياداعى وكىلىنىڭ قاتىسۋىمەن قىتايدا قازاقستان ستۋدەنتتەرى قاۋىمداستىعى (KSAC) شاڭحايلىق بولىمشەسى بەلسەندىلەرىنىڭ جينالىسى بارىسىندا قابىلداندى.
«قازاقستان جاستارى ۇلت كوشباسشىسى - نۇرسۇلتان ءابىش ۇلى نازاربايەۆتىڭ باستاماسىن ءارقاشاندا تۇراقتى قولدايتىن بولادى. پرەزيدەنت «قازاقستان-2050» ستراتەگياسىن، «نۇرلى جول» جاڭا باعدارلاماسىن ىسكە اسىرۋدا جاستاردىڭ ءرولىن ەرەكشە اتاپ ءوتتى»، - دەدى قىتايداعى قازاقستاندىق ستۋدەنتتەر قاۋىمداستىعىنىڭ شاڭحايلىق بولىمشەسىنىڭ ءتوراعاسى، شىعىس قازاقستان پەداگوگيكالىق ۋنيۆەرسيتەتىنىڭ ماگيسترانتى جاسدارۋەن داۋكەنوۆ.
«بولاشاق» باعدارلاماسىنىڭ ستيپەندياتى، شاڭحايداعى تۋنتسزي ۋنيۆەرسيتەتىنىڭ ستۋدەنتى ولجاس سۇلەيمەنوۆ ن. نازاربايەۆتىڭ كورەگەندىگىنىڭ ارقاسىندا قازاقستان جىلدان-جىلعا جاڭا بيىكتەردى ەڭسەرىپ كەلە جاتقاندىعىن اتاپ ءوتتى. «مەملەكەت باسشىسى ۇسىنعان بەس ينستيتۋتسيونالدىق رەفورما - بولاشاقتاعى ەل دامۋىنىڭ كەپىلى. ءبىز «بولاشاق» باعدارلاماسىنىڭ ستيپەندياتتارى پرەزيدەنتتىڭ ساياساتىن قولدايمىز»، - دەدى ول.