قىتايدا قازاقستاننىڭ وتكەنى مەن بۇگىنى تۋرالى كىتاپ جارىققا شىقتى - فوتو

بەيجىڭ. قازاقپارات - قىتايدا «جىبەك جولىنىڭ باتىسقا قاراي اپاراتىن ءبىرىنشى مەملەكەتى: قازاقستان تۋرالى جازبالار» كىتابى جاريالاندى.

ونىڭ اۆتورى - قىتاي ۇلتتارىنىڭ ورتالىق ۋنيۆەرسيتەتى جانىنداعى ەتنولوگيالىق زەرتتەۋلەر ينستيتۋتىنىڭ پروفەسسورى، ق ح ر شەكارا ماڭى ساياساتى ماسەلەلەرى بويىنشا مامانى، فيلوسوفيا دوكتورى ۋ چۋكە.

 كىتاپ 2013 - جىلدىڭ قىركۇيەگى مەن 2014 - جىلدىڭ قىركۇيەگى ارالىعىندا استانادا جۇمىس ىستەگەن كەزىندە قىتايلىق عالىمنىڭ جازعان ماقالالارىنان تۇرادى. مۇندا قىتايلىق ازاماتتىڭ قازاقستاننان العان اسەرلەرى تۋرالى جازىلعان. سونداي-اق قازاقستاننىڭ كونە تاريحى مەن قازاقستاندىق- قىتايلىق قارىم- قاتىناستار تۋرالى جازبالار كورىنىس تاپقان.

«بيىل قازاقستاندا وتە ماڭىزدى شارا اتالىپ وتىلەدى. ول - قازاق حاندىعىنىڭ 550 جىلدىعى. شىن مانىندە ەل تاريحى تەرەڭدە جاتىر. ەلدىڭ تاريحىندا ونى شەتەلدىكتەر ەمەس، مەملەكەتتىڭ حالقى قالاي قابىلدايتىنى ماڭىزدى ەكەنىن اتاپ وتكىم كەلەدى. مەنىڭ ويىمشا، قازاق حاندىعىنىڭ 550 جىلدىعىن تويلاۋ جاستاردىڭ بويىندا پاتريوتتىق سەزىمدى تاربيەلەپ، وزدەرىنىڭ تاريحىن تەرەڭ تۇسىنۋگە كومەكتەسەدى»، - دەدى پروفەسسور قازاقستاندىق جۋرناليستەرگە بەرگەن سۇحباتىندا.