اتىراۋلىق مۇناي وڭدەۋشىلەر «نۇر وتان» پارتياسىنىڭ شەشىمىن قولدادى - فوتو
«بۇگىن گەوساياسات ءۇشىن دە، ەكونوميكا ءۇشىن دە قيىن كەزەڭ. الايدا ءبىز جاڭا سايلانۋ كەزەڭىندە نۇرسۇلتان ءابىش ۇلىنىڭ دايىن جوسپارى بار ەكەنىنە كوز جەتكىزدىك. الدىمەن بۇل - «نۇرلى جول» باعدارلاماسىن جۇزەگە اسىرۋ، ەلدى ءارى قاراي يندۋستريالاندىرۋ.
بۇل جوسپاردا ءبىزدىڭ اتىراۋلىق مۇناي وڭدەۋ زاۋىتى دا بار. زاۋىتتا حوش ءيىستى كومىرسۋتەگىن ءوندىرۋ مەن مۇنايدى قايتا وڭدەۋ بويىنشا كەشەندى جابدىقتاۋ اياقتالۋعا جاقىن. بۇدان كەيىن زاۋىت اشىق ءتۇستى مۇناي ونىمدەرىن ءوندىرۋ كولەمىن ۇلعايتا الادى.
«مۇنداي قالىپقا كەلتىرۋ جۇمىستارى باسقا ەكى مۇناي وڭدەۋ زاۋىتتارىندا دا جۇرگىزىلۋدە. بۇل 2016 - جىلى قازاقستاننىڭ يمپورتتالاتىن جانار- جاعار مايدان باس تارتۋىنا جول اشادى»، - دەگەن ۇجىمنىڭ پىكىرىن اتىراۋ مۇناي وڭدەۋ زاۋىتىنىڭ تەحنولوگيالىق جابدىقتاردىڭ مەحانيگى يۋري كۋستودينسەۆ ءمالىم ەتتى.