كوپ ۇيىقتاعان ادامنىڭ عۇمىرى قىسقا بولادى

استانا. قازاقپارات - ا ق ش عالىمدارى تاۋلىگىنە 8 ساعات ۇيىقتاۋ كوپتەگەن اۋرۋلاردىڭ پايدا بولۋىنا، ءتىپتى، ادامداردىڭ ەرتەرەك ولۋىنە سەبەپكەر بولاتىنىن مالىمدەدى. بۇل تۋرالى mir24.tv حابارلادى.

عالىمدار ادامداردىڭ جۇمىس كۇندەرى از كوز ءىلىپ، ونىڭ ەسەسىنە دەمالىستا باس كوتەرمەي ۇيىقتايتىنى دەنساۋلىققا كەرى اسەرىن تيگىزەدى دەپ ەسەپتەيدى. ا ق ش- تىڭ ەڭ تانىمال ماسساچۋسەتس ۋنيۆەرسيتەتىنە قاراستى عىلىمي ورتالىعىنىڭ قىزمەتكەرلەرى كوپ ۇيىقتاۋدىڭ زيانىن دالەلدەۋ ماقساتىندا 2 ميلليونعا جۋىق ادامعا زەرتتەۋ جۇرگىزىپتى.

ناتيجەسىندە، ماماندار ادامعا كوز شىرىمىن از العاننان گورى كوپ ۇيىقتاۋدىڭ زاردابى مول بولاتىنىنا كوز جەتكىزگەن.

جالپى، عالىمداردىڭ سوزىنە قاراعاندا، ۇزاق ۇيىقتاۋ ارقىلى ءوز بويلارىمىزداعى ەنەرگيا قورىن مولايتامىز دەپ سانايتىن ادامدار قاتەلەسەتىن كورىنەدى.