بوكسشى دانيار ەلەۋسىنوۆ قانداي قىزعا ۇيلەنگىسى كەلەتىنىن ايتتى
بوكسشى استاناداعى جوعارى وقۋ ورىندارىنىڭ بىرىندە ستۋدەنتتەرمەن كەزدەسىپ، الداعى جوسپارلارىن دا ءبولىستى.
«قازاقتىڭ كەلىنى، بىرىنشىدەن، اتا-انانى سىيلاۋى كەرەك. ونىڭ تاربيەسى مەن قىلىعىنا نازار اۋدارۋ قاجەت، بۇل وتە ماڭىزدى. مەن ءۇشىن قالىڭدىعىمنىڭ نەمەن اينالىساتىنى ماڭىزدى ەمەس. ەگەر سپورتشى قىز بولسا، سپورت دەنساۋلىق ءۇشىن جاقسى جانە مەن ونى قولدايتىن ەدىم»، - دەدى ەلەۋسىنوۆ.
سونداي-اق، بوكسشى بولاشاقتا ءوز بالالارىنىڭ سپورتپەن اينالىسۋ نيەتتەرىن قۇپتايتىنىن دا ايتتى.
پورتالدىڭ مالىمەتىنشە، ەلەۋسىنوۆ كاسىپقوي بوكستا باعىن سىناپ كورۋدى جوققا شىعارمايدى. ءبىراق قازىر ول ريو-دە-جانەيروداعى وليمپياداعا قىزۋ دايىندالىپ جاتىر.
«كاسىبي بوكس سالاسىندا قازىر مەنىڭ ۇلكەن اعام داۋرەن باعىن سىناپ ءجۇر. ال ماعان قاتىستى ايتاتىن بولساق، مەن مۇنداي مۇمكىندىكتى جوققا شىعارمايمىن. مەنىڭ قازىرگى ماقساتىم - ريو-دە-جانەيرودا وتەتىن وليمپيادا مەن الداعى الەم چەمپيوناتتارى، ۋاقىتىندا كورە جاتارمىز»، - دەدى ول.
سونىمەن قاتار، ەلەۋسىنوۆ قانداي بوكسشىلاردان باعىت-باعدار الاتىنىن ايتتى. ول تىزىمدە بەكزات ساتتارحانوۆ، سەرىك ساپيەۆ، گەننادي گولوۆكين مەن باقتيار ارتايەۆتار بار. ال «بوكسشى بولماعاندا نەمەن اينالىسار ەدىڭىز؟» دەگەن سۇراققا «بوكس بولماعاندا، فۋتبولمەن اينالىسار ەدىم. مەن فۋتبولدى جاقسى وينايمىن، جاسوسپىرىم كەزىمدە مەكتەپتىڭ قۇراما كومانداسىندا ونەر كورسەتۋگە دەيىن جەتكەنمىن»، - دەدى ول.
tengrinews.kz