دەپۋتاتتىق كورپۋس ەلباسى باسىمدىق بەرگەن بەس مىندەتتى جۇزەگە اسىرۋعا كۇش-جىگەرىن ايامايدى - ق. جاقىپوۆ

استانا. قازاقپارات - دەپۋتاتتىق كورپۋس ق ر پرەزيدەنتى نۇرسۇلتان نازاربايەۆتىڭ «نۇر وتان» پارتياسىنىڭ كەزەكتى XVI سەزى بارىسىندا مەملەكەت پەن قوعام الدىنا قويعان 5 باسىم مىندەتتى ىسكە اسىرۋعا بار كۇش-جىگەرىن سالادى. بۇگىن ق ر پارلامەنتى ءماجىلىسىنىڭ جالپى وتىرىسىندا پالاتا ءتوراعاسى قابيبوللا جاقىپوۆ وسىلاي مالىمدەدى.

ەسكە سالايىق، بۇگىن «نۇر وتان» پارتياسىنىڭ XVI سەزى بارىسىندا نۇرسۇلتان نازاربايەۆ پرەزيدەنتتىككە كانديدات رەتىندە ۇسىنىلدى.

«پارتيالىق فورۋمدا ءسوز سويلەگەن ەلىمىزدىڭ وڭىرلەرىنەن كەلگەن دەلەگاتتار ەلباسىنىڭ ەلىمىزدىڭ مەملەكەتتىلىگىن قالىپتاستىرۋداعى ءرولىن جوعارى باعالادى. پارلامەنت ءماجىلىسىنىڭ دەپۋتاتتىق كورپۋسى مەملەكەت باسشىسىنىڭ حالىق ءومىرىن جاقسارتۋ ماقساتىنداعى قوعام مەن مەملەكەت الدىنا جۇكتەگەن بەس باسىم مىندەتىن جۇزەگە اسىرۋعا بار كۇشى مەن بىلىمىن سالاتىنىن مالىمدەيمىز»، - دەدى قابيبوللا جاقىپوۆ.

اۆتور: قانات مامەتقازى ۇلى