الەم حالقى قازاقستان حيرۋرگتەرىنەن كومەك ىزدەپ كەلىپ جاتىر - ن. نازاربايەۆ
«ءبىزدىڭ مەديتسينا الەمدە باسەكەگە قابىلەتتى ەكەنىن كورسەتتى. قازاقستان حيرۋرگتەرىنە الەمنىڭ ا ق ش، كانادا، گەرمانيا، اۋستراليا، اراب ەلدەرىنەن كەلىپ جاتقان ادامدار كوپ ەكەندىگىن بىرى بىلسە، بىرى بىلمەيدى. بۇل كورشى مەملەكەتتەردەن كەلىپ جاتقان سىرقاتتاردى ساناماعاندا. بۇل بىرىنشى كەزەكتە عيماراتتاردىڭ، تەحنولوگيالاردىڭ ارقاسى، ەڭ باستىسى - ادامداردىڭ ۇلەسى. اشىق جۇرەككە 500 وتا جاسالدى»، - دەدى پرەزيدەنت.
ءوز كەزەگىندە پارتيا سەزىندە ءسوز العان «ۇلتتىق عىلىمي كارديوحيرۋرگيالىق ورتالىق» ا ق باسقارما ءتوراعاسى يۋريي پيا، قازاقستاننىڭ كارديوحيرۋرگياسى الەم بويىنشا باسەكەگە قابىلەتتى ەكەندىگىن ايتتى.
«مىسالى، Wall-Street-تە ماڭىزدى ستراتەگيالىق سەرىكتەس رەتىندە قازاقستاننىڭ اتى اتالدى. سونىڭ ىشىندە استاناداعى كارديوحيرۋرگيالىق ورتالىق اۋقىمى مەن كلينيكالىق ناتيجە بويىنشا الەم بويىنشا ەڭ مىقتىلاردىڭ قاتارىندا جانە ىرى باسەكەلەس رەتىندە اتاپ ءوتىلدى. جاڭا بۋىندى جاساندى جۇرەكتى پايدالانۋ باعىتىنداعى العاشقى زەرتتەۋلەر بىزدە باستالۋى تەگىن ەمەس»، - دەدى يۋ. پيا.
اۆتور: جاسۇلان جولدىبايەۆ