ەلباسى: تاۋەلسىزدىك جىلدارىنداعى جەتىستىكتى ءبىر عانا قىزىلوردا وبلىسىنان كورۋگە بولادى
«تاۋەلسىزدىك جىلدارىنان بەرى ەسكە الاتىن بولساق، بارلىق جاعدايىمىزدى قىزىلوردا وڭىرىمەن- اق سالىستىرىپ بىلۋگە بولادى. كەڭەس وداعى كۇيرەگەن 90- جىلداردىڭ باسىندا مەنىڭ الدىمدا بارلىق قىزىلوردا حالقىن كوشىرۋ تۋراسىندا ماسەلە تۇرعان بولاتىن. دالا قاڭىراپ قالدى، جەر سورتاڭداندى. ارال ايماعىندا جۇمىس قالماي، سىردىڭ وزىندە بىردە سۋ تاپشى بولسا، ەندى بىردە اسىپ- تاسىپ جاتتى. سوندا اقساقالدارمەن اقىلداسىپ، ءبارىن قولعا الىپ، جاعداي جاساۋدى باستادىق. كىشى ارالعا حالىق قايتا كەلىپ، بالىق كاسىبىنە دەن قويا باستادى. قىزىلوردا ارقىلى وتەتىن اۆتوكولىك جەلىسى سالىندى. گاز قۇبىرى دا باتىستان وڭتۇستىككە كەلدى. سىردىڭ ۇستىنەن كوپىر سالىندى. قىزىلوردانىڭ ءوزى دە كوركەيىپ، الەمنىڭ 20 ەلىندە عانا جۇرەككە جاسالاتىن وپەراتسيا وسىندا جاسالاتىن بولدى»، - دەدى ن. نازاربايەۆ.
ەلباسىنىڭ ايتۋىنشا، باسقا تۇسقا بارماي- اق ءبىر عانا قىزىلوردا ءوڭىرىنىڭ بۇگىنگى دامۋ دەڭگەيى ەلدىڭ جەتىستىگىن تۇتاستاي پاش ەتە الادى.
اۆتور: قانات مامەتقازى ۇلى