اقىلدى قول ساعاتىنىڭ باعاسى بەلگىلى بولدى

استانا. قازاقپارات - سان- فرانسيسكودا وتكەن تۇساۋكەسەر كەزىندە Apple كومپانياسى شىعارعان «اقىلدى قول ساعاتىنىڭ» باعاسى اتالدى.

بۇل تۋرالى epochtimes.ru عا سىلتەمەمەن 24.kz حابارلايدى.

Apple Watch Sport تىڭ نەگىزگى نۇسقاسى بويىنشا جاسالعان 38 ميلليمەترلىك مودەلى 349 دوللار، ال سول نۇسقانىڭ 42 ميلليمەترلىك مودەلى 399 دوللار تۇرادى.

ال توت باسپايتىن Apple Watch ا ق ش اۋماعىندا 549 دوللاردان باستاپ، 1049 دوللارعا دەيىنگى باعامەن ساتىلادى.

ال ەڭ قىمبات 18 كاراتتىق قىزعىلت نەمەسە سارى التىنمەن اپتالعان Apple Watch Edition دى ساتىپ الۋ ءۇشىن تۇتىنۋشى 10000 ا ق ش دوللارىن تولەۋى ءتيىس.

«اقىلدى قول ساعاتتار» كانادا، ا ق ش، جاپونيا، اۆستراليا جانە ءبىرقاتار باتىس ەلدەرىندە ساۋداعا 24 - ساۋىردە شىعارىلادى.

بۇل ساعاتتى ساتىپ العان ادام ول ارقىلى ونلاين- تولەمدەر جۇيەسىن پايدالانىپ، تەلەفون قوڭىراۋلارىن قابىلداپ، ءتىپتى عالامتورعا قوسىلۋ ارقىلى گاراج ەسىگىن دە اشا الادى.