ز. قيىقوۆا: «ورالۋ» فيلمى وسكەلەڭ ۇرپاقتى وتان سۇيگىشتىككە تاربيەلەيدى
بۇل تۋرالى ويىن كوكشەتاۋداعى «سينەما الەم» كينوتەاترىندا وتكەن فيلمدى تاماشالاعان قازاقستان حالقى اقمولا اسسامبلەياسى جانىنداعى انالار كەڭەسىنىڭ ءتورايىمى زەرە قيىقوۆا ءبىلدىرىپ وتىر.
ونىڭ ايتۋىنشا، رەجيسسەر فيلمنىڭ باس كەيىپكەرى ماقسات ارقىلى شەتەلدە ءبىلىم العان جاستاردىڭ ارمان قۋىپ سول جاقتا قالىپ قويماۋىن جانە تۋعان جەردىڭ، تۋعان ەلدىڭ دامۋىنا ۇلەس قوسۋ كەرەكتىگىن جاقسى كورسەتە بىلگەن.
«ەۋروپادا ءبىلىم الىپ، عىلىم جولىنا تۇسكەن ماقساتتىڭ مۇراگەرلىكتى زاڭداستىرامىن دەپ 20 جىلدان سوڭ وتانىنا ورالۋى فيلمدە ءار قىرىنان سۋرەتتەلگەن. پاڭ دا تاكاپپار ەۋروپالىق بولعان «ماكستىڭ» ءبىر كۇندىك ىسساپارمەن قازاقستانعا كەلىپ، اتاسىنان قالعان اتقورانى ءوزىنىڭ عانا مەنشىگى رەتىندە ساتپاق بولعان پيعىلى ونداعى جىلقىشىلار ستەپانوۆيچ پەن مەيرامبەكتىڭ اشۋ- ىزاسىن تۋعىزادى.
«اتامنىڭ قايتىس بولعانىنا جىل جارىم ۋاقىت بولدى. سەنى كۇتتى عوي. 20 جىل بويى قايدا بولدىڭ؟» دەپ كۇيزەلگەن مەيرامبەكتىڭ ءسوزى جۇرەكتى شىمىرلاتادى...
جالپى، رەجيسسەردىڭ نەگىزگى ءتۇپ ماقساتىن الاتىن بولساق، «ورالۋ» ءفيلمى وسكەلەڭ ۇرپاقتى وتانسۇيگىشتىككە، حالقىنا قىزمەت ەتۋگە، تۋعان جەردى قاستەرلەۋگە تاربيەلەيدى»، - دەيدى زەرە قيىقوۆا.
اۆتور: اسلان وسپانوۆ