قازعارىش بىرىككەن اراب امىرلىگىمەن عارىش سالاسىن قۇرۋ تاجىريبەسىمەن بولىسەدى
قازعارىش باسپا ءسوز قىزمەتىنىڭ اقپاراتىنا سۇيەنسەك، كەشە ق ر ي د م ا ع ك ءتوراعاسى، «قازاقستان عارىش ساپارى» ۇ ك» ا ق، «رەسپۋبليكالىق عارىش بايلانىسى ورتالىعى» ا ق باسشىلارى قۇرامىنداعى قازاقستاندىق دەلەگاتسيا بىرىككەن اراب امىرلىگى عارىش اگەنتتىگىنىڭ ءتوراعاسى حاليفا تاني ار- رۋمەيسيمەن كەزدەستى.
حاليفا ار- رۋمەيسي قازاقستاندىق قوناقتاردى امىرلىكتە العاش قۇرىلعان عارىش ۆەدومستۆوسىنىڭ قىزمەتىن رەتتەيتىن نورماتيۆتىك- قۇقىقتىق اكتىلەردى دايىنداۋ بارىسىمەن حاباردار ەتتى.
ءوز تاراپىنان قازعارىش ءتوراعاسى تالعات مۇسابايەۆ اراب ارىپتەستەرىن قازاقستاندا قۇرىلعان عارىش جۇيەسى، جەردى قاشىقتان باقىلاۋ، سونداي- اق عارىش تەحنيكاسى مەن تەحنولوگيالارىن ازىرلەۋ بويىنشا قازاقستاندىق عالىمداردىڭ جۇمىس ناتيجەلەرىمەن تانىستىردى. كەزدەسۋ سوڭىندا تاراپتار تاياۋ ۋاقىتتا عارىش كەڭىستىگىن زەرتتەۋ جانە ونى بەيبىت ماقساتتا پايدالانۋ سالاسىنداعى ىنتىماقتاستىق تۋرالى ەكى بەيىندى ۆەدومستۆو اراسىندا جاسالعان جاڭا مەموراندۋمعا قول قويۋعا ۋاعدالاستى.
ب ا ءا- گە ساپارى بارىسىندا قازعارىش دەلەگاتسياسى 2015 - جىلعى 11-12 - ناۋرىزدا دۋباي قالاسىندا وتەتىن استرونوميا جانە عارىش عىلىمى بويىنشا XIII حالىقارالىق كونفەرەنسيا جۇمىسىنا قاتىسادى، دەپ اتاپ ءوتتى قازعارىش باسپا ءسوز قىزمەتىنەن.