سوت ۇكىمى بويىنشا قىلمىسكەردى ءبىر كوزىنەن ايىردى

استانا. قازاقپارات - يراندا ادامعا قىشقىل شاشىپ، ءبىر كوزىنىڭ كورمەي قالۋىنا سەبەپكەر بولعان قىلمىسكەر قاتاڭ جازاعا تارتىلدى.

بۇل جايىندا Al Arabiya اقپارات كوزى حابار تاراتتى.

تارقاتىپ ايتقاندا، يران زاڭىنا سايكەس «قانعا - قان، جانعا - جان» قاعيداسى ۇستەمدىك ەتەتىن ەلدەگى رادجاي- شاحر تۇرمەسىنە تۇسكەن قىلمىسكەردى ناركوزدان ۇيقىعا كەتكەندە سوت ۇكىمى بويىنشا سول كوزىن اعىزىپ جىبەردى.

بۇعان قوسا، قىلمىسكەرگە ايىپپۇل سالىنىپ، 10 جىلعا باس بوستاندىعىنان ايىردى. حاباردا ايتىلعانداي، العاشقىدا قىلمىسكەردىڭ ەكى كوزىن دە بىردەي اعىزىپ جىبەرمەك بولعان ەكەن - يران زاڭى بويىنشا ءوزىن جابىرلەگەن ادامعا قانداي جازا ءتۇرىن تاڭداۋدا ونىڭ وڭ كوزىن اعىزىپ جىبەرۋدى جارتى جىلعا شەگەرۋدى سۇراعان.

بۇل ۋاقىت ارالىعىندا ايىپكەر وزىنە قاتىستى قولدانىلعان جازاعا بايلانىستى شاعىم تۇسىرە الادى. قۇقىق قورعاۋشىلار وسىنداي قاتاڭ ۇكىم شىعارعان يران سوتىن ادام قۇقىعىنا قول سۇقتى دەپ ايىپتاپ وتىر.

«وسىناۋ اكتىگە يران بيلىگىمەن بىرگە قاتىسقان مەديتسينا قىزمەتكەرلەرى گيپپوكراتتىڭ انتىن بۇزدى، ولار وزدەرىن دارىگەرمىز دەپ ەسەپتەمەۋى كەرەك»، - دەپ مالىمدەدى نورۆەگياداعى Iran Human Rights (IHR) ۇيىمىنىڭ وكىلى ماحمۇد اميري- مۋگگادام.

islam.kz