جاقىندا تۇركىستان قالاسىندا وتكەن «ادەبي اۋدارمانىڭ ماڭىزى مەن مىندەتتەرى» اتتى سەميناردا كوتەرىلگەن ماسەلەلەرگە ماقالا ارناعان پروفەسسور اۋدارما سالاسىنا قاتىستى ءبىرقاتار پىكىرلەر كەلتىرگەن.
«اۋدارماعا قاتىستى ماسەلەنىڭ كوتەرىلۋىنە پرەزيدەنت ن. نازاربايەۆتىڭ 2014 - جىلى 5 - ماۋسىمدا تۇركيانىڭ بودرۋم قالاسىندا وتكەن تۇركىتىلدەس مەملەكەتتەر باسشىلارىنىڭ ءتورتىنشى سامميتىندە تۇركىتىلدەس ەلدەردەگى بۇقارالىق اقپارات قۇرالدارىن نىعايتۋ جانە ورتاق مەديا رەسۋرس قۇرۋدى كوزدەگەن قادامدار جاساۋ جونىندەگى ۇسىنىسى تۇرتكى بولدى. تۇركىتىلدەس ەلدەردىڭ پارلامەنتتىك اسسامبلەياسى مەملەكەت باسشىسىنىڭ ۇسىنىسىن قولداپ، ونىڭ ىسكە اسۋىنا قاتىستى ءتيىستى ءىس- شارالار ۇيىمداستىرۋدا. اتاپ ايتقاندا، تۇركپا- نىڭ الەۋمەتتىك، مادەني جانە گۋما¬نيتارلىق كوميسسياسى ءوزىنىڭ 2014 - جىلى بىشكەكتە جانە باكۋدە وتكەن ەكى جينالىسىندا ءبىر تۇركى تىلىنەن ەكىنشى ءبىر تۇركى تىلىنە كاسىبي تارجىمە جاساي الاتىن اۋدارماشىلاردى ازىرلەۋ جونىندە ۇسىنىستار ەنگىزدى»، - دەيدى پروفەسسور.
اتالعان سەميناردا اۋدارما سالاسىنىڭ تۇيتكىلدى تۇستارىنا شولۋ جۇرگىزىپ، كولەمدى بايانداما جاساعان پارلامەنت ءماجىلىسىنىڭ دەپۋتاتى، تۇركپا مۇشەسى، جازۋشى الدان سمايىلدىڭ پىكىرى كەلتىرىلگەن.
«قازىر وسى سالانىڭ تالاپقا ساي بولماۋىنىڭ سالدارىنان ءبىر ەلدەن ەكىنشى ەلدىڭ ب ا ق ارقىلى تىكەلەي اقپارات الۋى مۇمكىن بولماي وتىر. ماسەلەن، قازاقستاندا وتىرىپ تۇركيا، ازەربايجان، ت. ب. مەملەكەتتەردە بولىپ جاتقان وقيعالار جايلى رەسەي ارقىلى عانا بىلۋدەمىز»، - دەدى ا. سمايىل.
«تۇركىستاندا وتكەن ءىس- شارا ەلىمىزدەگى اۋدارما ءىسىنىڭ پروبلەماتيكاسىن اجەپتاۋىر سيپاتتاپ بەرە الدى دەۋگە بولادى. ەگەر، وسى شارۋادا ناتيجەلى قادامدار جاسالسا، ەڭ اۋەلى قازاقتىلدى اقپاراتتىق كەڭىستىكتىڭ تۇرلەنۋىنە، سونداي- اق، باسقا سالالاردىڭ دا مازمۇندىق جاعىنان تولىسۋىنا قوماقتى ۇلەس قوسىلار ەدى»، دەپ ويىن قورىتادى پروفەسسور قۇلبەك ەرگوبەك ماقالاسىندا.