ەلوردا اكىمدىگى وتاندىق اۆتو وندىرۋشىلەرگە قولداۋ كورسەتتى
قازاقستاندا دامىپ جاتقان ءوندىرىس سالالارىنىڭ اراسىندا كولىك قۇراستىرۋ سالاسى قارقىندى دامىپ كەلە جاتىر. ەلىمىزدە كولىك شىعاراتىن بىرنەشە زاۋىت جۇمىس ىستەيدى.
«سىزدەر بۇگىن قازاقستاندا قۇراستىرىلاتىن كولىكتەر اۆتوسالونىن كورىپ وتىرسىزدار. قوستاناي قۇراستىرۋ كاسىپورنى، ول جەردە بۇگىنگى تاڭدا كوممەرتسيالىق جانە جەڭىل اۆتوكولىكتەردىڭ 61 مودەلى شىعارىلادى. سونىمەن قاتار، ءورت ءسوندىرۋ تەحينكالارى مەن مەديتسينالىق كولىكتەر دە بار. بۇگىن سىزدەر كوممەرتسيالىق كولىكتەر سالونىن تاماشالادىڭىزدار»، - دەپ ءمالىم ەتتى «AllurAuto Astana» كومپانياسىنىڭ باس ديرەكتورى ورۋدج نازاروۆ.
ورۋدج نازاروۆتىڭ ايتۋىنشا، وتاندىق قۇرىلىستاعى اۆتوكولىكتەر قازاقستان تالاپتارىنا تولىق بەيىمدەلگەن، قۇراستىرۋ بارىسىندا ەلىمىزدىڭ كليماتتىق جاعدايلارى دا ەسكەرىلدى. قازىرگى ۋاقىتتا وتاندىق كولىكتەردىڭ ەكى مودەلى سەرتيفيكاتتالىپ ۇلگەردى جانە ە ا ە و نارىعىنا شىعارىلادى، دەپ جازادى astana.kz.
استانا قالاسى كاسىپكەرلىك جانە ءوندىرىس باسقارماسىنىڭ باسشىسى ماليكا بەكتۇروۆانىڭ ايتۋىنشا، قازاقستاندىق كاسىپورىندارداعى كولىك قۇراستىرۋ جوعارى تەحنولوگيالىق يننوۆاتسيالىق پروتسەسس، ال كولىكتەر مەملەكەتتىك سەكتور تاراپىنان دا سۇرانىسقا يە.
«استانا اكىمدىگىنىڭ بۇگىندە اۆتو وندىرۋشىلەردى قولداۋ بويىنشا وزىندىك تاريحى بار. وتكەن جىلى IVECO اۆتوبۋستارى رەيسكە شىققان بولاتىن، ولار بارلىق زامناۋي تالاپتارعا ساي. كەلەسى جىلى ءبىز باعدارلامانى جالعاستىرىپ، تاعى دا 700 اۆتوبۋس ساتىپ الماقپىز»، - دەدى استانا قالاسى كاسىپكەرلىك جانە ءوندىرىس باسقارماسىنىڭ باسشىسى ماليكا بەكتۇروۆا.