«قازاقپارات ح ا ا» ج ش س (بۇدان ءارى - سەرىكتەستىك) www.inform.kz سايتىندا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا تۇسەتىن كانديداتتار (بۇدان ءارى - كانديدات) سايلاۋالدى ۇگىت ماتەريالدارىن ورنالاستىرا الادى. ماتەريالدىڭ 1 (ءبىر) جولىنىڭ باعاسى 1500 (ءبىر مىڭ بەس ءجۇز) تەڭگەنى قۇرايدى. باننەردى ورنالاستىرۋدىڭ 1 (ءبىر) تاۋلىگى 18000 (ون سەگىز مىڭ) تەڭگەنى قۇرايدى.
ۇگىت ماتەريالدارى «سايلاۋ - 2015» ايدارىمەن ورنالاستىرىلاتىن بولادى.
ۇگىت ماتەريالدارىن ورنالاستىرۋ ءبىرىنشى تاراپ - كانديدات نەمەسە ونىڭ وكىلەتتى وكىلى جانە ەكىنشى تاراپ - سەرىكتەستىك اراسىنداعى جازباشا شارت نەگىزىندە جۇزەگە اسىرىلادى.
كانديدات نەمەسە ونىڭ وكىلەتتى وكىلىنىڭ سەرىكتەستىك باسشىسىنىڭ اتىنا جازعان جازباشا ءوتىنىشى نەگىزىندە ۇگىت ماتەريالدارىن ورنالاستىرۋ تۋرالى شارت جاسالادى.
ۇگىت ماتەريالدارىنىڭ كولەمى كانديدات نەمەسە ونىڭ وكىلەتتى وكىلىنىڭ جازباشا وتىنىشىندە جانە كەيىن جاسالاتىن شارتتا كورسەتىلەدى. سەرىكتەستىك سايت بەتىندە ۇگىت ماتەريالدارىن ورنالاستىرۋدىڭ ورنىن دەربەس ايقىندايدى.
جازباشا وتىنىشكە كەلەسى قۇجاتتار قوسىلىپ بەرىلۋى ءتيىس:
1) كانديداتتىڭ تىركەلۋىن راستايتىن قۇجاتتىڭ كوشىرمەسى؛
2) كانديداتتىڭ وكىلىنىڭ وكىلەتتىگىن راستايتىن قۇجاتتىڭ كوشىرمەسى؛
3) ۇگىت ماتەريالى ءماتىنىنىڭ ءمانىن قاعاز جانە ەلەكتروندىق نۇسقادا ۇسىنۋ؛
4) ءوتىنىش بەرۋشىنىڭ جەكە باسىن كۋالاندىراتىن كوشىرمە؛
5) شارت جاساۋ ءۇشىن ءوتىنىش ءبىلدىرۋشىنىڭ وكىلەتتىگىن راستايتىن قۇجاتتار.
ۇگىت- ناسيحات ماتەريالى جاريالانۋعا بەرىلەردەن 1 (ءبىر) تاۋلىك بۇرىن، قاعاز جانە ەلەكتروندى نۇسقادا تاپسىرىلۋى قاجەت.
ماتىندەر كانديدات نەمەسە ونىڭ وكىلەتتى وكىلىنىڭ قول قويۋىمەن باسپا نۇسقاسىندا تاپسىرىلۋى قاجەت. سونداي- اق، بەينەلەرى ۇگىت ماتەريالىندا پايدالانىلاتىن تۇلعالاردىڭ جازباشا رۇقساتى (قايتىس بولعان جاعدايدا - ولاردىڭ مۇراگەرلەرىنىڭ) كەرەك.
ۇگىت ماتەريالدارى تولەم جانە قارجىلاندىرۋ كوزى تۋرالى اقپاراتتى قامتۋى كەرەك. اقپاراتتى ۇسىنۋشى تۇلعانىڭ اتى-ءجونى كورسەتىلۋى قاجەت.
سەرىكتەستىك كانديدات الدىنداعى مىندەتىن الدىن الا تولەم 100 پايىز ورىندالعان جاعدايدا عانا جۇزەگە اسىرادى.
ۇگىت ماتەريالدارىن ۇسىنعان كانديدات ونىڭ مازمۇنىنىڭ ق ر زاڭ تالاپتارى، سونىڭ ىشىندە اۆتورلىق جانە ساباقتاس قۇقىقتىڭ ساقتالۋىنا ءوزى جاۋاپتى.
اتالعان حابارلاماداعى تالاپتار مەن ءتارتىپ، سونداي- اق شارتتىڭ ورىندالۋى بۇزىلعان جاعدايدا ۇگىت ماتەريالدارى سايتقا ورنالاستىرىلمايدى نەمەسە كورسەتىلگەن كەمشىلىك تۇزەتىلگەنگە دەيىن توقتاتىلا تۇرادى.
ەگەر ۇگىت باسپا ماتەريالدارىندا كونستيتۋتسيالىق قۇرىلىستى كۇشتەپ وزگەرتۋ يدەيالارى جاريا ەتىلسە، رەسپۋبليكانىڭ تۇتاستىعىن بۇزۋدى، مەملەكەتتىڭ قاۋىپسىزدىگىنە نۇقسان كەلتىرۋدى، الەۋمەتتىك، ناسىلدىك، ۇلتتىق، ءدىني، تەكتىك- توپتىق جانە رۋلىق ارازدىقتى قوزدىرۋدى، قاتىگەزدىك پەن زورلىق- زومبىلىققا باس ۇرۋدى، سونداي- اق، زاڭنامادا كوزدەلمەگەن اسكەريلەندىرىلگەن قۇرىلىمداردى قۇرۋ نەگىزدەرىندەگى ۇگىت ماتەريالدارىن قابىلداۋدان سەرىكتەستىك باس تارتادى.
باسقا كانديداتتاردىڭ ار- نامىسىنا، ابىرويىنا نەمەسە ىسكەرلىك بەدەلىنە نۇقسان كەلتىرەتىن اقپاراتتار بولعان جاعدايدا سەرىكتەستىك كانديداتتىڭ ۇگىت ماتەريالدارىن جاريالاۋدان باس تارتۋعا قۇقىلى.
اتالعان حابارلامادا كورسەتىلگەن ۇگىت ماتەريالدارىن ورنالاستىرۋدىڭ تالاپتارى مەن ءتارتىبى قازاقستان رەسپۋبليكاسىنىڭ وكىلەتتى ورگاندارىنىڭ تالاپتارىنا سايكەس تۇزەتىلۋى مۇمكىن.
ۇگىت ماتەريالدارىن جاريالاۋدىڭ سوڭعى كۇنى - 2015 - جىلعى 24 - ءساۋىر. جازباشا وتىنىشتەر 2015 - جىلعى 26 - ناۋرىزدان باستاپ، سەنبى مەن جەكسەنبىدەن باسقا كۇندەرى كۇن سايىن ساعات 09:00 دەن 18:30 عا دەيىن قابىلدانادى، ءۇزىلىس ۋاقىتى: 13:00 دەن 14:30 ارالىعىندا.
سەرىكتەستىك مەكەن جايى: استانا قالاسى، ورىنبور كوشەسى، 4، «التىن وردا» ب و، 2 قابات، № 203 كابينەت. بايلانىس تەلەفونى: 8/7172/48-90-72,، ەلەكتروندىق ادرەس: product@inform.kz. .