قىزىلوردادا سالىناتىن مەتاللۋرگيالىق كومبيناتتىڭ قۇرىلىسىن قىتاي ينۆەستورلارى قارجىلاندىرادى

قىزىلوردا. قازاقپارات - قىزىلوردا وبلىستىق كاسىپكەرلەر پالاتاسىنىڭ ديرەكتورى رۋسلان دوسماحانوۆ ءبىرقاتار قىتاي ينۆەستورلارمەن كەزدەستى. بۇل تۋرالى وبلىستىق كاسىپكەرلەر پالاتاسىنىڭ باسپا ءسوز قىزمەتىنەن حابارلادى.

ناقتىراق ايتقاندا، «Masteel»- ءدىڭ ەنشىلەس «Anhui Masteеl Engineering» جانە «Huatian Engineering»  كومپانيالارىنىڭ باسشىلىعى، سونداي-اق اتالعان كومپانيالاردىڭ قازاقستاندىق ارىپتەستەرى: «Ferrum - Vtor» ج ش س- ءنىڭ قۇرىلتايشىسى ابدۋراشيت وماروۆ جانە باس ديرەكتورى رۋسلان وماروۆپەن كەزدەستى.

«Masteel» كومپانياسى - قىتايداعى بولات قۇيۋمەن اينالىساتىن ءىرى كومپانيالاردىڭ ءبىرى. زاۋىت جىل سايىن 20 ميلليون توننا بولات وندىرەدى جانە الەمنىڭ 20 ۇزدىك مەتاللۋرگيالىق كومپانيالارىنىڭ قاتارىنا ەنگەن.

بۇعان دەيىن ۇلتتىق كاسىپكەرلەر پالاتاسى باسشىلارىنىڭ ق ح ر- عا ساپارى اياسىندا پالاتا مەن كومپانيالار اراسىندا ارىپتەستىك جونىندە مەموراندۋمعا قول قويىلعان بولاتىن.

قىزىلورداداعى كەزدەسۋدە دەلەگاتتار قازاقستاندىق ارىپتەستەرىمەن بىرگە  قىزىلوردا وبلىسى اۋماعىندا مەتاللۋرگيالىق كومبينات سالعىسى كەلەتىندىگىن ايتىپ، كومبيناتتى سالۋ بارىسىندا قوسىمشا مەردىگەر رەتىندە جەرگىلىكتى كومپانيالاردى تارتۋ شارتتارىن تالقىلادى.

جوبا جۇزەگە اسقان جاعدايدا جىلىنا 1 ميلليون توننا مەتال بۇيىمدارىن شىعارىپ، 3000 ادامدى جۇمىسپەن قامتيتىن بولادى. جوبا قۇنى - 800 ميلليون دوللار»، - دەيدى كاسىپكەرلىك پالاتاسىنىڭ ديرەكتورى ر. دوسماحانوۆ.

اۆتور: ەلۋباي اۋەزوۆ