تيمۋر جاقسىلىقوۆ: بۇگىنگى كۇنى ەلىمىز قازاقستاندىق دەپ اتالىپ جۇرگەن اۆتوكولىكتەرمەن ماقتانا الادى - فوتو

قوستاناي. قازاقپارات - بۇگىن «اگروماش حولدينگ» جانە «سارى ارقا اۆتوپروم» وندىرىستىك الاڭدارىندا ق ر پرەزيدەنتىنىڭ «قازاقستاندا جاسالعان» اكسياسىن ىسكە قوسۋ باستاماسىنىڭ اياسىندا قوستانايدا شىعارىلىپ وتىرعان جەڭىل جانە كوممەرتسيالىق كولىكتەردىڭ اۋقىمدى تانىستىرىلىمى بولىپ ءوتتى.

ۇيىمداستىرۋشىلارىنىڭ اتاپ وتۋىنشە، شارانىڭ باستى ماقساتى - وتاندىق وندىرىستىك تاۋارلاردى قولداۋ جانە تانىمال ەتۋ.

تۇساۋكەسەرگە ق ر ۇلتتىق ەكونوميكا ۆيسە- ءمينيسترى تيمۋر جاقسىلىقوۆ، الماتى قالاسى اكىمىنىڭ ورىنباسارى يۋري يلين، ينۆەستيتسيا جانە دامۋ مينيسترلىگى، قارجى مينيسترلىگى، الماتى قالالىق ءى ءى د، استانا، الماتى، قوستاناي قالالارى اكىمدىكتەرىنىڭ، سونداي- اق اقمولا، الماتى جانە قوستاناي وبلىستارى اكىمدىكتەرىنىڭ، ءىرى بيزنەس قۇرىلىمدارىنىڭ وكىلدەرى قاتىستى.

وندىرىستىك كورمەنىڭ قوناقتارىنا بۇگىندە ەلوردانىڭ كولىكتىك ينفراقۇرىلىمىندا بەلسەندى تارتىلىپ وتىرعان  Iveco Citelis اۆتوبۋسى كورسەتىلدى.

 ق ر ۇلتتىق ەكونوميكا ۆيتسە- ءمينيسترى تيمۋر جاقسىلىقوۆ زاۋىتتا سوڭعى بەس جىلدا بولعان وزگەرىستەرگە تاڭ قالعانىن جاسىرمادى. «بۇگىنگى كۇنى بۇكىل ەلىمىز ءوندىرىستىڭ كولەمىمەن، جابدىقتار مەن مامانداردىڭ دەڭگەيىمەن، قازاقستاندىق دەپ اتالىپ جۇرگەن اۆتوكولىكتەرمەن ماقتانا الادى»، - دەدى ول.

وتاندىق ءونىم شىعارۋشىلاردى قولداعان كومپانيالاردىڭ ءبىرى  Helios - «اگروماشحولدينگ» - پەن Iveco 682 ماشيناسىنىڭ بازاسىندا شىعارىلعان بارلىق 34 سيستەرناعا كەلىسىمشارت جاسادى.

 قۇرامىنا «اگروماش حولدينگ» جانە «سارى ارقا اۆتوپروم» وندىرىستىك الاڭدارى كىرەتىن «AllurGroup» ايماقتاعى ءىرى كومپانيالاردىڭ ءبىرى بولىپ تابىلادى. بۇگىندە كاسىپورىندا ءبىر جارىم مىڭنان استام ادام جۇمىس ىستەۋدە. مۇنداعى جۇمىس ورىندارىنىڭ سانى ءوندىرىس وشاعىن كەڭەيتۋدىڭ ارقاسىندا جىل وتكەن سايىن كوبەيىپ كەلەدى.