اۆستراليادا جابايى جانۋارلارى بار قوناق ءۇي اشىلدى

استانا. قازاقپارات - اۆستراليا استاناسى كانبەررادا جابايى جانۋارلارى بار قوناق ءۇي اشىلدى، دەپ حابارلادى بەلتا.

 Jamala Wildlife Lodge قوناق ءۇيى كانبەررانىڭ ۇلتتىق حايۋاناتتار باعى مەن اكۆاريۋمى اۋماعىندا ورنالاسقان. بۇل قوناقتاردىڭ جانۋارلار الەمىنە جاقىن بولۋىنا جول اشتى. قوناق ۇيدەگى بولمەلەردەن شىنى قابىرعا ارقىلى جانۋارلاردى تاماشالاۋعا بولادى.

ءبىر بولمەنىڭ تۇرعىندارى بالكونىنان كەرىكتەردى تاماقتاندىرا السا، ەكىنشىلەرى اكۋلالارى بار اكۆاريۋمدى تاماشالاي الادى. جوعارعى تەرراسادا مايمىلداردى كورۋگە بولادى.

Jungle نومەرلەرىن ارىستان، لەوپارد جانە ايۋلارى بار تورلاردان جۇقا شىنى قابىرعا عانا ءبولىپ تۇر. سوندىقتان ادام مۇنداي بولمەلەردە جارتقىشتارمەن بىرگە تۇرىپ جاتقانداي اسەرگە بولەنەدى.

 الايدا بۇل قوناق ۇيدە بىرنەشە شەكتەۋ مەن ءوز ەرەجەلەرى بار. وسىلايشا، نومەردى 18 ساعاتقا دەيىن عانا جالعا الۋعا بولادى، ال 6 جاسقا تولماعان بالالار قوناق ۇيگە كىرگىزىلمەيدى.

 مۇنداي قوناق ۇيدە تۇرۋ ءۇشىن ءبىر ادام $400 استام قاراجات جۇمسايدى. قوناق ءۇيدىڭ تابىسى حايۋاناتتار باعى مەن اكۆاريۋم قاجەتتىلىكتەرىنە جۇمسالادى.