ەلوردالىق ەتنومادەني بىرلەستىكتەردىڭ اشىق ەسىك كۇندەرى ءوتىپ جاتىر
1-7- ناۋرىز ارالىعىندا وتەتىن شارانى قالالىق قازاقستان حالقى اسسامبلەياسى ۇيىمداستىرىپ وتىر. شارا اياسىندا بارلىق تۇرعىندار مەن قالا قوناقتارى ءتۇرلى ۇلتتار مەن ۇلىستاردىڭ مادەنيەتىمەن جەتە تانىسا الادى.
بۇگىنگى شارانىڭ قوناقتارى ءۇشىن تانىمدىق ەكسكۋرسيا وتكىزىلدى، بىرلەستىكتەردىڭ وكىلدەرى ءوز ورتالىقتارىنىڭ قىزمەتى تۋرالى باياندادى. سونىمەن قاتار، قاتىسۋشىلار حالىقتىق بۇيىمدار كورمەسىن تاماشالاپ، ۇلتتىق تاعامداردان دا ءدام تاتا الدى.
كونسەرتتىك باعدارلاماعا شەشەن-ينگۋش، نەمىس، پولياك، كارىس، وزبەك، باشقۇرت-تاتار ەتنو بىرلەستىكتەرىنىڭ شىعارماشىلىق ۇجىمدارى قاتىسىپ، كورەرمەندەردى ءوز ونەرلەرىمەن ءتانتى ەتتى.
«بيىل ءبارىمىز وسى بىرەگەي ينستيتۋتتىڭ 20 جىلدىعىن اتاپ وتۋدەمىز، سونىڭ اياسىندا قالالىق ەتنومادەني بىرلەستىكتەر جىل بويى ءبىر شاڭىراقتىڭ استىندا تۇرىپ جاتقان ۇلتتار مەن ۇلىستاردىڭ تاتۋ-ءتاتتى ومىرلەرىن ناسيحاتتاپ، ەلىمىزدىڭ گۇلدەنۋىنە ءوز ۇلەستەرىن قوسپاق».
ءلاززات قۇسايىنوۆانىڭ ايتۋىنشا، «استانا قالاسىندا وزگە ۇلت وكىلدەرىنىڭ سانى جىل سايىن ۇلعايىپ كەلەدى. ولاردىڭ باسىم بولىگى - ءوز ۇلتىن سۇيەتىن جاستار»، - دەدى استانا قالاسى قازاقستان حالقى اسسامبلەياسى حاتشىلىعىنىڭ مەڭگەرۋشىسى ءلاززات قۇسايىنوۆا.