تۇركيا پرەزيدەنتى كىشى قاجىلىعىن وتەدى
12:40, 03 - ناۋرىز 2015
استانا. قازاقپارات - ساۋد ارابياسىنا ارنايى ىسساپارمەن كەلگەن تۇركيا پرەزيدەنتى رەدجەپ تايىپ ەردوعان كىشى قاجىلىعىن وتەدى.
ەردوعان مەن تۇرىك ەلىنىڭ دەلەگاتسياسى ءتۇن ىشىندە مۇسىلمانداردىڭ قاسيەتتى مەشىتىنە باس سۇعىپ، قاعبانى جەتى رەت اينالىپ، ءسافا- ءمارۋا جوتالارى اراسىن ءجۇرىپ ءوتۋ راسىمدەرىن ورىندادى.
كىشى قاجىلىعىن وتەگەن سوڭ تۇرىك باسشىسى دجيددا قالاسىنداعى كورولدىك رەزيدەنتسياعا اتتانىپ كەتتى.
ەردوعاننىڭ بۇل ساپارىندا ونىمەن بىرگە جۇبايى ەمينە ەردوعان، ۆيتسە-پرەمەر يالشىن اقدوعان جانە نۋمان كۋرتۋلمۋش، ەكونوميكا ءمينيسترى نيحات زەيبەكدجي جانە سىرتقى ىستەر ءمينيسترى ميەۆليۋت چاۆۋشوعلى سىندى مەملەكەتتىك قايراتكەرلەر دە كىشى قاجى اتانىپ قايتتى.
كەشە تۇرىك دەلەگاتسياسى پايعامبارىمىزدىڭ (س. ع. س. ) مەشىتىن زيارات ەتۋ ماقساتىندا مادينا قالاسىنا اتتانادى. ءدىني راسىمدەردى ورىنداپ بولعان سوڭ ەردوعان ەر- رياد قالاسىندا سالمان بين ابدەل- ازيزبەن جۇزدەسەدى.