ەلىمىزدە مەملەكەتتىك قىزمەتكەرلەردىڭ جالاقىسى كوبەيەدى
ازاماتتىق قىزمەتكەرلەر مەن ب كورپۋسىنداعى مەملەكەتتىك قىزمەتكەرلەردىڭ ەڭبەك اقىسىن تولەۋ دارەجەسىن كوتەرۋ مودەلىن ەنگىزۋ، اسىراۋشىسىنان ايىرىلعان مۇگەدەكتەردىڭ جاردەماقىسىن كوبەيتۋ شاراسى 2015 - جىلدىڭ شىلدەسىنەن 2016 - جىلعا شەگەرىلدى.
«اتالمىش شارالار جارتى جىلعا، 2016 - جىلدىڭ 1 - قاڭتارىنا شەگەرىلگەن بولاتىن»، - دەدى س. فەرحو.
دەپۋتات اتاپ وتكەندەي، الەۋمەتتىك- ەڭبەك سالاسىن دامىتۋ اياسىندا حالىقتىڭ جاعدايىن جاقسارتۋ جۇمىستارى جالعاسۋدا.
«بيۋدجەت 2015 - جىلدىڭ 1 - قاڭتارىنان باستاپ 7 پايىزعا ۇلعايعانى بايقالادى، ماسەلەن، 2 توپتاعى مۇگەدەكتەر بۇعان دەيىن 22 مىڭ 163 تەڭگە الىپ كەلسە، 2015 -جىلدان باستاپ 23715 تەڭگە الىپ جاتىر»، - دەدى ول.
فەرحو اتاپ وتكەندەي، 2015 - جىلدىڭ 1 - قاڭتارىنداعى مالىمەتكە سايكەس، زەينەتاقى تولەنەتىن حالىقتىڭ سانى 1 ميلليون 900 مىڭ ادامدى قۇرادى.
«2014 - جىلى بازالىق زەينەتاقى تولەمدەرى 10 مىڭ 450 تەڭگەنى، 2015 -جىلى 11082 تەڭگەنى قۇرادى. سونداي-اق، اسىراۋشىسىنان ايىرىلعان مۇگەدەكتەر ءۇشىن مەملەكەتتىك الەۋمەتتىك جاردەماقى كولەمى 2015 - جىلدىڭ 1 - قاڭتارىنان باستاپ 7 پايىزعا كوتەرىلدى»، - دەدى ول.
strategy2050.kz