بۇل تۋرالى بۇگىن تۇرعىن ءۇي قۇرىلىسى مەملەكەتتىك باعدارلاماسىنىڭ ورىندالۋىن قاداعالايتىن قوعامدىق كەڭەستىڭ ءبىرىنشى وتىرىسىندا ق ر پارلامەنتى ءماجىلىسى ءتوراعاسىنىڭ ورىنباسارى داريعا نازاربايەۆا ايتتى.
«وڭىرلەردى دامىتۋ جونىندەگى ماقۇلدانعان باعدارلامادا قاتىسۋشىلارعا جالدامالى تۇرعىن ءۇيدى العان ساتتەن باستاپ ەكى جىلعا دەيىن ءبىرقاتار شەكتەۋلەر ەنگىزىلگەن. ياعني، ولاردىڭ پاتەردى جالعا بەرۋىنە، سىيعا تارتۋىنا نەمەسە ايىرباستاۋىنا بولمايدى»، - دەدى د. نازاربايەۆا.
ونىڭ ايتۋىنشا، بۇل شەكتەۋلەر «نۇر وتان» پارتياسى فراكسياسىنىڭ ۇسىنىسى نەگىزىندە قولعا الىنعان.
«بۇگىنگى تاڭدا مەملەكەتتىك الەۋمەتتىك جالعا بەرىلەتىن پاتەرلەردىڭ تولەم كولەمى باسپاناعا مۇقتاج جاندارعا قولجەتىمدى ەكەندىگىن باسا ايتقىم كەلەدى»، - دەدى ول.