بۇگىن «بايتەرەك» ۇ ب ح جانىنداعى قوعامدىق كەڭەستىڭ وتىرىسىندا ق ر پارلامەنتى ءماجىلىسى ءتوراعاسىنىڭ ورىنباسارى داريعا نازاربايەۆا وسىلاي ءمالىم ەتتى.
«استانا مەن الماتىدا جانە تاعى دا ءبىرقاتار قالالاردا باستالاتىن باعدارلامانىڭ تابىستىلىعى شارشى مەترلەرمەن نەمەسە يگەرىلگەن قارجى كولەمىمەن ەمەس، شىن مانىندە پاتەرگە مۇقتاج جانداردىڭ باسپانالى بولۋىمەن ايقىندالادى»، - دەدى ول.
ونىڭ اتاپ وتۋىنشە، الەۋمەتتىك جالعا بەرىلەتىن تۇرعىن ۇيلەردى سالۋ پايىزى قىمبات نەسيەلىك زايمدارعا شىنايى بالاما بولۋى ءتيىس.
«بايتەرەك» حولدينگى اتالعان باعدارلاما بويىنشا پاتەرلەردى سالۋدا جانە ساتۋدا، سونىمەن قاتار ۇمىتكەرلەردى ىرىكتەۋگە قاتىستى ماسەلەلەردىڭ زاڭدى ءارى ءادىل بولۋىنا ايرىقشا نازار اۋدارۋى ءتيىس»، - دەدى د. نازاربايەۆا.
ايتا كەتەرلىگى، الداعى بەس جىلدا ەلىمىزدە 1,5 ميلليون شارشى مەتر تۇرعىن ءۇي، ياعني 29 مىڭ الەۋمەتتىك جالعا بەرىلەتىن پاتەر سالۋ جوسپارلانعان. اعىمداعى جىلدىڭ وزىندە عانا 487 مىڭ شارشى مەتر جالعا بەرىلەتىن تۇرعىن ءۇي سالۋ كوزدەلگەن.
اۆتور: مارلان جيەمباي