بەيجىڭ ماڭىندا ەجەلگى بەيىتتەردىڭ ءىرى كەشەنى تابىلدى

استانا. قازاقپارات - بەيجىڭنىڭ وڭتۇستىك-باتىس ماڭىندا ەجەلگى بەيىتتەردىڭ ءىرى كەشەنى تابىلدى، دەپ حابارلادى شينحۋا اگەنتتىگى.

بۇل تۋرالى جەكسەنبى كۇنى بەيجىڭ مادەني مۇرالار ينستيتۋتى ءمالىم ەتتى.

70 گەكتار ارحەولوگيالىق قازبالاردا 1100-جىل بويى سالىنعان 129 بەيىت ورنالاسقان. ول شىعىس حان اۋلەتىنەن (25-220 ج.ج.) تاڭ اۋلەتىنە (618-907 ج ج.) جانە لياو مەملەكەتىنە (907-1125 ج. ج.) دەيىنگى كەزەڭدەردى قامتيدى. كەيبىر جەرلەنگەن ورىندار ادامداردى، ولاردىڭ كيىمدەرىن بەينەلەگەن فرەسكالارمەن بەزەندىرىلگەن، سونداي-اق ولاردان قىش بۇيىمدارى، فارفور، جىلتىراتىلعان زاتتار، سونداي-اق جەكە جەرلەۋ زاتتارى تابىلىپ وتىر.

جەرلەنگەن ورىندار كەشەنى تۇرعىن ءۇي سالۋدى جوسپارلاۋ كەزىندە تابىلدى. 2014-جىلعى مادەني قۇندىلىقتاردى قورعاۋ شارالارى اياسىندا قۇرىلىس سالىناتىن بارلىق جەر ۋچاسكەلەرىندە مادەني جادىگەرلەر بولۋى ابدەن زەرتتەلۋى ءتيىس.