تانىمال تۇرىك جازۋشىسى ياشار كەمال دۇنيەدەن ءوتتى

استانا. قازاقپارات - سەنبى كۇنى ىستامبۇلدا 93 جاسقا قاراعان شاعىندا بەلگىلى تۇرىك جازۋشىسى جانە قوعام قايراتكەرى ياشار كەمال (شىن اتى - كەمال سادىك گەكچەلي) دۇنيەدەن ءوتتى، دەپ حابارلايدى Anadolu اگەنتتىگى.

جازۋشى جۇرەك-وكپە سىرقاتىنان كوز جۇمعان. ول 15- قاڭتاردان بەرى ەمحانادا ەم الىپ جاتقان.

كەمال قازىرگى زامانعى ءىرى تۇرىك جازۋشىلارىنىڭ ءبىرى. ول بىرنەشە رەت ادەبيەت سالاسى بويىنشا نوبەل سىيلىعىنا ۇمىتكەر، سونداي-اق تاۋەلسىز كۇردستاندى جانە تۇركيادا ازاماتتىق قوعام قۇرۋدىڭ بەلسەندى جاقتاۋشىسى بولعان.

كوپتەگەن جىلدار بويى تۇركيادا ونىڭ كىتاپتارىن تاراتۋعا تىيىم سالىنعان، ءوزى دە ءبىراز ۋاقىت قۋدالاۋعا تۇسكەن.

قالامگەردىڭ كۋردتىڭ ۇلتتىق باتىرى يندجە مەمەد تۋرالى، قىرىقتان استام تىلگە اۋدارىلعان «مەمەد» (1955) رومانى ونىڭ شىعارمالارىنىڭ ىشىندە ەرەكشە ورىن الادى.

سونداي-اق ياشار كەمالدىڭ «تەمىر جاشىك» (1955)، «تىرەك» (1960)، «تەمىر جەر، مىس اسپان» (1963)، «تاۋ اڭىزدارى» (1970)، «قاراقشى» (1972) سىندى تۋىندىلارى اسا تانىمال.