«ورمان شارۋاشىلىعى» ج ش س 2-4 جاس ارالىعىنداعى ءۇش اتالىق جانە جەتى انالىق جانۋاردى تورمەن قورشالعان ورىنداردا ءوسىرۋ ءۇشىن ساتىپ الدى. جانۋارلار كوبەيتىلگەن سوڭ بۇل ميكروپوپۋلياتسيا قازاقستانداعى «بۋراباي» مەملەكەتتىك ۇلتتىق تابيعي ساياباعىنىڭ اۋماعىندا ەركىن مەكەندەيتىن جابايى وگىزدەر تابىنىن قۇرۋشى نەگىزگە اينالادى.
«جابايى وگىزدەردىڭ وسىنداي ميكروپوپۋلياتسيالارىن قۇرۋ ⅩⅩ عاسىردىڭ باسىندا تولىق جويىلىپ كەتۋگە جاقىن قالعان ءتۇردىڭ الەمدىك تەكتىك قورىن ساقتاپ قالۋ مۇمكىندىگىن ارتتىرا تۇسپەك»، - دەپ اتاپ ءوتتى بەلارۋس ەلىنىڭ ۇلتتىق ساياباعى ديرەكتورىنىڭ ورىنباسارى.