جانكۇيەرلەردىڭ «استانا ارەنا» سپورت كەشەنىنە بارۋىن ىڭعايلى ەتۋ ءۇشىن قوسىمشا ەكسپرەسس- شاتتل ىسكە قوسىلدى. اۆتوبۋستار ەلوردالىق سيرك اۆتوتۇراعىندا 1 - ناۋرىز كۇنى ساعات 13:00-14:30 ارالىعىندا تۇرادى.
سونداي-اق استانا قالاسىنىڭ اكىمدىگى 1 - ناۋرىزدا 13:00-14:30 ارالىعىندا «قازاقستان» سپورت كەشەنىنەن جانە «جاستار» سارايىنان «استانا ارەنا» ستاديونىنا دەيىن ەكى اۆتوبۋس باعدارىن ۇيىمداستىرادى.
ەسكە سالا كەتەيىك، 1 - ناۋرىزدا ساعات 15:30 دە «استانا ارەنا» سپورت كەشەنىنىڭ الاڭىندا ەل چەمپيونى «استانا» مەن قازاقستان كۋبوگىنىڭ يەگەرى الماتىلىق «قايرات» كوماندالارى قازاقستان سۋپەركۋبوگىن ساراپقا سالادى.
«سۋپەركۋبوك» وتپەلى جۇلدە بولىپ تابىلادى، قازىرگى كەزدە ونى قاراعاندىلىق «شاحتەر» كومانداسىنان 1:0 ەسەبىمەن باسىم تۇسكەن «اقتوبە» ف ك يەلەنىپ وتىر. كۋبوك العاش رەت 1995 - جىلى وتكەن بولاتىن، وعان 1994 - جىلعى چەمپيونات پەن كۋبوك جەڭىمپازدارى - سەمەيلىك «ەلىم-اي» جانە وسكەمەن قالاسىنىڭ «ۆوستوك» كوماندالارى قاتىسقان. سول كەزدە «ەلىم-اي» قارسىلاسىنىڭ قاقپاسىنا ەكى جاۋاپسىز گول سوققان ەدى. سودان كەيىن ۇزاق ۋاقىت بويى سۋپەركۋبوك ويناتىلمادى.
قول جەتكىزگەن كۋبوكتار سانى بويىنشا «اقتوبە» ف ك رەكورد ورناتتى. كوماندا قازاقستاننىڭ ءۇش سۋپەركۋبوگىن ەنشىلەگەن (2008, 2009, 2010).