استانادا قازاقستان جانە تۇركيا جۋرناليستەرى ب ا ق- تىڭ بەيبىتشىلىكتى ساقتاۋداعى ءرولىن تالقىلاۋدا
قازاقستان حالقى اسسامبلەياسى جىلى اياسىندا وتكىزىلىپ وتىرعان اتالمىش شارانى قازاقستاننىڭ باس رەداكتورلار كلۋبى ۇيىمداستىردى.
مەديا كونفەرەنسيا ەكى ەلدىڭ اقپاراتتىق كەڭىستىگى اياسىن كەڭەيتۋمەن قاتار، اشىق الاڭدا مادەني بايلانىستار ورناتۋعا جاعداي قالىپتاستىرۋعا باعىتتالعان.
ءىس-شاراعا تۇركيا ەلىنەن «بۇگىن ت ۆ» توك-شوۋىنىڭ جۇرگىزۋشىسى ەركام تۋفان ايتاۆ، انكارا «جاڭا عاسىر» قالالىق گازەتىنىڭ وكىلى احمەت تاكان، انكارانىڭ «Today's Zaman» گازەتىنىڭ بيۋرو باسشىسى ابدۋللاح بوزكۋرت، ORSAM تاياۋ شىعىس ستراتەگيالىق زەرتتەۋ ورتالىعى جانە UPAM حالىقارالىق قاتىناستار مەن ساياسات ورتالىعىنىڭ ديرەكتورى حاسان كانبولات كەلىپ وتىر.
كەزدەسۋ بارىسىندا شەتەلدىك قوناقتار قازاقستاندىق ساياساتكەرلەرمەن، ساراپشىلارىمەن بىرلەسە وتىرىپ، قوعامدىق كەلىسىم مەن بۇقارالىق اقپارات كوممۋنيكاتسيالارى مەن قۇرالدارىنىڭ ايماقتىق قاۋىپسىزدىك پەن تۇراقتىلىقتى قامتاماسىز ەتۋدەگى ءرولى تاقىرىبىندا تالقىلاۋ جۇرگىزەدى. سونداي-اق ءىس-شارا اياسىندا قازاقستان مەن تۇركيا مەديا ىنتىماقتاستىعىنا ارنالعان ارنايى باسپا ءسوز ءماسليحاتى وتەدى دەپ كۇتىلۋدە.
«مەنىڭشە، الەمدە ەتنيكاارالىق جانە دىنيارالىق كەلىسىممەن بايلانىستى ماسەلەلەردەن ارتىق وزەكتى تۇيتكىل جوق. وسى سالادا جۇمىس جاساپ جۇرگەن تىلشىلەر بويىندا تەك جۋرناليستكە قاجەتتى كاسىبي قاسيەتتەردى يەلەنىپ قانا قويماي، ۇلتارالىق قاتىناستار، ءداستۇر جانە وزگە مادەنيەت وكىلدەرىنە ۇلكەن سىيلاستىق سىندى قاسيەتتەردى جانىنىڭ ءاربىر بولشەگىمەن سەزىنۋى ءتيىس»، - دەيدى قازاقستان حالقى اسسامبلەياسى ءتوراعاسىنىڭ ورىنباسارى اناتولي باشماكوۆ.
اۆتور: جاسۇلان جولدىبايەۆ