قازاقستاندىق تاۋشاڭعىشى قىز تاعى دا جۇلدەگەر اتاندى

بۇل جولى دا جەڭىس تۇعىرىنا ۋكراينا مەن قازاقستاننىڭ تاۋشاڭعىشىلارى كوتەرىلدى. بوگدانا ماتسوتسكا العاشقى مۇمكىندىكپەن-اق (1:15.86) جارىستىڭ كوش باسىنا شىقتى. ال ەكىنشى تالپىنىستا مارە سىزىعىنا 1:17.82 مينۋتتا جەتتى. ءسويتىپ، 2:33.68 مينۋتتىق قورىتىندى ۋاقىتپەن جارىس جەڭىمپازى اتاندى. ەكىنشى ورىنعا ونىڭ وتانداسى تاتيانا تيكۋن كوتەرىلدى (2:35.77). ال قازاقستاندىق تاۋشاڭعىشى ماريا گريگوريەۆا ءۇشىنشى ورىندى يەلەندى (2:39.04).

وتانداستارىمىز ەكاتەرينا كارپوۆا مەن ەكاتەرينا چەرەپانوۆا ءتورتىنشى جانە بەسىنشى ورىنداردى مىسە تۇتتى.

بۇگىن تۋرنيردىڭ اياقتالار كۇنى الىپ سلالومنان ەرلەر اراسىندا جارىس وتەدى.

اۆتور: جاپپاربەرگەن ايبوتا