حالىق تاڭداۋى اداستىرمايدى - پىكىرلەر توپتاماسى
باستاماعا كاسىپورىندار مەن ءتۇرلى ۇيىمداردىڭ ەڭبەككەرلەرى، قوعامدىق بىرلەستىكتەر مەن ونەر ۇجىمدارىنىڭ وكىلدەرى، ستۋدەنت جاستار، سونداي-اق، شەتەلدىك ساياساتكەرلەر ءۇن قوسۋدا.
سيدحارت ساكسەنا، كەمبريدج ۋنيۆەرسيتەتى جانىنداعى ورتالىق ازيالىق فورۋمىنىڭ جەتەكشىسى:
- قازاقستاندا كوپتەگەن وزگە ەلدەر ءۇشىن ناقتى مىسال بولاتىن وتە ءتيىمدى تۇراقتىلىقتىڭ مودەلى قالىپتاسقان. مەن قازاقستان حالقى اسسامبلەياسى كەڭەسىنىڭ وسى جىلى پرەزيدەنت سايلاۋىن وتكىزۋ تۋرالى ۇندەۋىن ماڭىزدى باستاما دەپ ەسەپتەيمىن.
ول تۇراقتىلىقتى ساقتاۋعا جانە ەل ەكونوميكاسىن دامىتۋعا مۇمكىندىك بەرەدى. سوندىقتان دا، مەن 2015 - جىلى سايلاۋ وتكىزۋ قازاقستان ءۇشىن ۇلكەن العا باسۋشىلىق قادام بولاتىنىنا سەنىمدىمىن.
زەيەۆ حانين، يزرايل ابسوربتسيالار مينيسترلىگىنىڭ باس عالىمى:
- جاقىنداپ كەلە جاتقان ەكونوميكالىق داعدارىس جاعدايىندا قازاقستاننىڭ ساياسي باسشىلىعى ەكونوميكانى وسىرۋگە قاراي ءبىرقاتار قادام جاسادى جانە قولعا الدى. بۇل ۇلكەن كۇش جۇمىلدىرۋدى قاجەت ەتەتىن ءىس. سوندىقتان، سايلاۋ وتكىزۋ تۋرالى شەشىم، مەنىڭ ويىمشا، تۇرعىنداردان قوسىمشا سەنىم نەسيەسىن الۋ دەپ بىلەمىن. بۇل وتە دۇرىس قادام.
ابدۋساتتور نۋراليەۆ، رەسەي- تاجىك سلاۆيان ۋنيۆەرسيتەتىنىڭ پروفەسسورى، «قازاقستان- تاجىكستان» دوستىق قوعامىنىڭ ءتوراعاسى:
- مەن قازاقستان حالقى اسسامبلەياسى كەڭەسىنىڭ 2015 - جىلى پرەزيدەنت سايلاۋىن وتكىزۋ تۋرالى باستاماسىن تولىعىمەن قولدايمىن. بۇل، بىرىنشىدەن، ءارتۇرلى ەكى ەلەكتورالدىق ساياسي ناۋقاننىڭ قاتار كەلۋىنە مۇمكىندىك بەرمەيدى. ەكىنشىدەن، قازاقستان پرەزيدەنتى نۇرسۇلتان نازاربايەۆتىڭ جاھاندىق سىناقتار كەزەڭىندە الەمدىك ساياسي جانە ەكونوميكالىق داعدارىسقا بايلانىستى الەۋمەتتىك- ەكونوميكالىق باعدارلامالاردى دامىتۋ باستامالارىن تابىستى جۇزەگە اسىرۋدى قامتاماسىز ەتەدى.
ماي حۆان، ك س ر و جانە قازاقستاننىڭ كونكيمەن سىرعاناۋ سپورتى جونىندەگى ەڭبەك سىڭىرگەن جاتتىقتىرۋشى:
- مەن قازاق سپورت جانە تۋريزم اكادەمياسىندا كەزەكتەن تىس پرەزيدەنت سايلاۋىن وتكىزۋ جونىندەگى باستاماعا قولداۋ ءبىلدىرۋ ميتينگىسىنە قاتىستىم. سونداي-اق، ستۋدەنتتەر الدىندا ءبىزدىڭ اتاقتى سپورت ارداگەرلەرىمىز - ەۆگەنيا كاديايكينا، ءامين تۇياقوۆ، شورا يۋماشيەۆ جانە باسقا دا كوپتەگەن سپورتشىلار اتىنان ءسوز سويلەۋ قۇرمەتىنە يە بولدىم. ءسوز سويلەۋگە ۇسىنىس جاساعان ارداگەر سپورتشىلار جاستاردى پرەزيدەنت سايلاۋىنا بەلسەنە قاتىسۋعا شاقىرۋدى ءوتىندى. جاس سپورتشىلار كوتەرگەن پلاكاتتار مەن ترانسپورانتتاردى كورگەن كەزدە مەن ستۋدەنت جاستاردىڭ ءقازىردىڭ وزىندە دۇرىس تاڭداۋ جاساعانىنا كوزىم جەتتى.
مۇرات اۋەزوۆ، قوعام قايراتكەرى، مادەنيەتتانۋشى:
- قازاقستان حالقى اسسامبلەياسى كەڭەسىنىڭ مۇشەلەرى بيىلعى جىلى پرەزيدەنت سايلاۋىن وتكىزۋ تۋرالى ۇسىنىسپەن شىعۋى ارقىلى حالىقارالىق قيىن جاعدايلار كەزىندە، ولاردىڭ الدىن الۋدا اسا كورەگەندىك تانىتتى. مەن دە الەمدىك ۇدەرىستەردى، ساياسي جاعدايلاردى ۇنەمى باقىلاپ وتىرامىن. بۇل وتە دۇرىس باستاما دەپ بىلەمىن.
يۋليا كۋچينسكايا، «دەموكراتيالىق ينستيتۋت» ع ز ق- نىڭ جوباسى جونىندەگى ديرەكتورى:
- الەۋمەتتىك زەرتتەۋلەر كورسەتكەندەي، رەسپوندەنتتەردىڭ 97 پايىزى قازاقستان حالقى اسسامبلەياسىنىڭ باستاماسىن ماقۇلدادى جانە تاعى 96 پايىزى سەنىم ءبىلدىردى. نەگە ولار ق ح ا باستاماسىن ماقۇلدايدى دەگەن ماسەلەگە كەلسەك، 95 پايىزى پرەزيدەنتتىك سايلاۋ وتكىزۋ قوعامدى بىرىكتىرۋگە، ەكونوميكالىق تاپسىرمالار مەن مىندەتتەردى شەشۋگە شوعىرلاندىرۋعا مۇمكىندىك بەرەدى دەپ ەسەپتەيدى. ال 91 پايىزى سايلاۋ ينۆەستورلاردىڭ ۇزاق مەرزىمدى رەفورمالارداعى سەنىمدىلىگىن قامتاماسىز ەتەدى دەپ سانايدى.
«ەگەمەن قازاقستان» گازەتى، 2015 - جىلعى 25 - اقپان