چەرچيللدىڭ قانى ءباسساۋداعا شىعارىلماق
بىرەگەي لوتتىڭ باستاپقى باعاسى 400-800 ەۋرو دەپ بەلگىلەنگەن.
اتالمىش قان ۇلگىسى 87 جاستاعى چەرچيللدەن 1962 - جىلى لوندون اۋرۋحاناسىندا جاتقان كەزىندە الىنعان ەكەن. وندا ساياساتكەر مونتە- كارلودا جامباسىن سىندىرىپ الىپ تۇسكەن بولاتىن.
امپۋلانى جويۋ جوسپارلانعان، الايدا سول كەزدەگى ستۋدەنت مەدبيكە قىز پاتريتسيا فيتتسگيببون ۇلگىنى وزىنە قالدىرۋدى ءوتىنىپتى. فيتتسگيببون بۇل امپۋلانى ءومىر بويى ساقتاپ كەلگەن. مەدبيكە قايتىس بولعاننان كەيىن چەرچيللدىڭ قان ۇلگىسىن ءباسساۋداعا شىعارۋ ۇيعارىلدى، دەپ جازادى Gazeta.ru.
«تاريحتىڭ وسىنشالىقتى بىرەگەي بولىگىنە ناقتى باعا بەرۋ مۇمكىن ەمەس»، - دەيدى Duke's اۋكتسيون ءۇيىنىڭ وكىلى تيموتي مەدحەرست.
مەدحەرستىڭ ايتۋىنشا، بيىل چەرچيللدىڭ قايتىس بولعانىنا 50 جىل تولادى جانە ساياساتكەردىڭ وسىناۋ قان ۇلگىسى ونىڭ اقىرىنىڭ باستاۋى بولعان جاراقاتىن ەسكە سالاتىنداي. اۋكسيون ءۇيىنىڭ وكىلى بۇل لوتقا ۇلكەن قىزىعۋشىلىق تانىتىپ وتىر ءارى امپۋلا كەم دەگەندە 1000 فۋنتقا وتەدى دەگەن سەنىمدە. ساتىلىم 12 - ناۋرىزدا دورسەتتە وتەدى.