يسلام - اگرەسسيا ەمەس، مادەنيەت - ا. بابايەۆ
ي س ە س ك و وكىلى بيىل الماتى قالاسىنىڭ يسلام مادەنيەتى استاناسى بولىپ جاريالانۋىنا بايلانىستى وتكىزىلەتىن حالىقارالىق شارالار تۋرالى ايتىپ ءوتتى.
«جىل بويى ونەر، ءبىلىم بەرۋ، يسلام تاريحى تۋرالى كىتاپتار شىعارىپ، كورمەلەر ۇيىمداستىرامىز. سونداي-اق، يسلام مادەنيەتى تۋرالى ۆيرتۋالدى مۋزەيدى كورسەتەمىز. وسىنداي شارالار مادەنيەتتەر مەن وركەنيەتتەر اراسىنداعى سۇحبات ورىن الادى دەگەن ۇمىتتەمىز. ءبىزدىڭ بيىلعى جىلدان كۇتەرىمىز يسلام مادەنيەتى ەلدەرى اراسىندا تۇسىنىستىك قالىپتاستىرۋ. بۇل شارا تەك مۇسىلماندارعا عانا ارنالمايدى. حالىق يسلام مادەنيەتى تۋرالى كوپ ءبىلۋى كەرەك»، - دەدى ول.
اليبابا بابايەۆتىڭ ايتۋىنشا، كوپتەگەن ءدىني توپتار يسلامدى باسقا ماقساتپەن پايدالانىپ، قارالاۋعا تىرىسۋدا.
«ءبىز يسلام ۇيىمى رەتىندە ونى قابىلدامايمىز. ي س ە س ك و ۇيىمىنا مۇشە ەلدەرگە يسلام مادەنيەتى مەن ءيميدجىن كورسەتۋگە تىرىسامىز. يسلام - اگرەسسيا ەمەس، ول - مادەنيەت. ونى ۇعىنۋ ءۇشىن ءبىلىم الۋ كەرەك»، - دەدى ا. بابايەۆ.
يران يسلام رەسپۋبليكاسىنىڭ مادەنيەت ۆيتسە-ءمينيسترى سەيد مۇحاممەد حاشيمي بيىلعى جىل يران رەسپۋبليكاسى مەن قازاقستان اراسىنداعى ىنتىماقتاستىقتىڭ جاڭا كەزەڭىنە اياق باسۋعا ىقپال ەتەتىنىن جەتكىزدى.
«الماتى قالاسىنىڭ يسلام مادەنيەتى استاناسى اتانۋى تەگىن ەمەس دەپ ويلايمىن. الماتىنىڭ بۇل مارتەبەگە يە بولۋى قازاقستانداعى يسلام مادەنيەتىنىڭ تەرەڭدە جاتقانىن، يسلام تاريحى تۋرالى باي مۇراسىنىڭ بار ەكەندىگىنەن حاباردار ەتەدى. بيىلعى جىل يران يسلام رەسپۋبليكاسى مەن قازاقستان اراسىنداعى مادەني ىنتىماقتاستىقتى ودان ءارى دامىتۋعا، جاڭا كەزەڭگە اياق باسۋىنا سەپتىگىن تيگىزبەك»، - دەدى سەيد مۇحاممەد حاشيمي.
اۆتور: گۇلميرا عوسمانالي