قازاقستان كاسىپكەرلەرى فورۋمى ق ح ا باستاماسىن قولدايدى - ر. باتالوۆ
بۇل تۋرالى بۇگىن جۋرناليستەرگە بەرگەن سۇحباتىندا قازاقستان كاسىپكەرلەرى فورۋمى كەڭەسىنىڭ ءتوراعاسى رايىمبەك باتالوۆ مالىمدەدى.
ونىڭ ايتۋىنشا، وسىنداي قيىن- قىستاۋ كەزەڭدە «نۇرلى جول» مەملەكەتتىك باعدارلاماسى تۇراقتى ەكونوميكالىق دامۋدىڭ كەپىلى بولا الادى.
«قازاقستان كاسىپكەرلەرى فورۋمى قازاقستان حالقى اسسامبلەياسىنىڭ باستاماسىن قولدايدى. بۇگىندە الەمدىك ەكونوميكادا تۇراقسىزدىق ورىن الۋدا. كوپ ەلدەردە جۇمىسسىزدىق كوبەيدى. داعدارىستىڭ بارىسىن بولجاۋ قيىن بولىپ جاتىر.
بۇل جاعدايدا قازاقستاندا مەملەكەتتىك دەڭگەيدە الدىن الۋ شارالارىن قابىلداۋ قاجەت. ال بۇل ءۇشىن پرەزيدەنت سايلاۋىن مەرزىمىنەن بۇرىن وتكىزگەن ءجون دەپ سانايمىز. وسى ورايدا «نۇرلى جول» مەملەكەتتىك باعدارلاماسى تۇراقتى ەكونوميكالىق دامۋدىڭ كەپىلى بولۋعا باعىتتالعان. الەمدىك داعدارىس قازاقستاننىڭ ەكونوميكاسى ءۇشىن ۇلكەن سىن بولارى حاق. ءبىز بۇل سىننان سۇرىنبەي وتەمىز دەگەن سەنىمدەمىز»، - دەدى ر. باتالوۆ.
اۆتور: جاپپاربەرگەن ايبوتا