اتاجۇرتقا ورالعان قانداستارىمىزدىڭ اراسىندا ءمۇشايرا وتەدى
اتاجۇرتىنا سىرتتان كەلگەن بارلىق قانداستارىمىزدىڭ باسىن قوسىپ، حالقىمىزدىڭ بىرلىگى مەن ىنتىماعىن ناسيحاتتايتىن بۇل شاراعا ۇلتتىق ءان-ءبي ونەرىنىڭ شەبەرلەرى قاتىسادى. ۇيىمداستىرۋشىلار القاسى پاتريوتتىق كونسەرت قارساڭىندا جاسى 40 قا دەيىنگى اقىندار اراسىندا ءمۇشايرا وتكىزەدى.
بايگەنىڭ ماقساتى: اتاجۇرتقا تابان تىرەپ، الەمنىڭ وزگە مەملەكەتتەرىنەن كەلگەن قانداستارىمىزدىڭ رۋحاني جان دۇنيەسىن جالپى قازاق دالاسىنا پاش ەتۋ. ۇلتىمىزدىڭ كيەلى ادەبي قازىناسىنا تاۋەلسىز ەلدىڭ پوەزيالىق تىڭ تۋىندىلارى مەن جىر جاۋھارلارىن قوسۋ، جاڭا زاماننىڭ ءۇنىن حالىققا جەتكىزۋ. جاس ۇرپاق بويىندا وتانعا، تۋعان جەرگە، تۋعان تاريحقا دەگەن سۇيىسپەنشىلىكتى ارتتىرىپ، پاتريوتتىق رۋحتى كوتەرۋ.
بايگە قورى:
باس جۇلدە - 300 مىڭ تەڭگە.
1-ورىن - 200 مىڭ تەڭگە، I دارەجەلى ديپلوم.
2-ورىن - 100 مىڭ تەڭگە، Ⅱ دارەجەلى ديپلوم.
3-ورىن - 75 مىڭ تەڭگە، Ⅲدارەجەلى ديپلوم.
2 ىنتالاندىرۋ سىيلىعى - 50 مىڭ تەڭگەدەن.
شىعارمالار 2015 - جىلدىڭ 10 - ناۋرىزىنا دەيىن قابىلدانىپ، 14 - ناۋرىز كۇنى ءو. جولداسبەكوۆ اتىنداعى ستۋدەنتتەر سارايىندا ەل الدىندا ماراپاتپەن تاپسىرىلادى.
بايگەنىڭ شارتتارى:
قاتىسۋشى اقىننىڭ جاس مولشەرى 40 تان اسپاۋى كەرەك.
اۆتوردىڭ قىسقاشا ءومىر- بايانى، مەكەن-جايى مەن بايلانىس تەلەفونى.
ۇسىنىلاتىن تاقىرىپتار ۇشەۋ: «قازاق حاندىعىنىڭ 550 جىلدىعى»، «اتاجۇرتقا ورالعان اعايىننىڭ وتانعا دەگەن ساعىنىشى مەن ماحابباتى، تۋعان جەردى جىرلاۋ» جانە «ەركىن تاقىرىپ».
شىعارمالار (ا-4 فورماتتا) 14-كەگەلمەن (ارالىق - 1) تەرىلىپ، 6 بەتتەن اسپاۋى ءتيىس. ءار تاقىرىپقا ءبىر ولەڭ.
ادەبيەت پورتالى