پايعامبار (س.ع.س) ادامدارعا قانداي كەڭەس قالدىرعان؟
15:47, 21 - اقپان 2015
استانا. قازاقپارات - ءابۋ ھۋرايرادان (ر. ا.) ريۋايات ەتىلگەن حاديستە پايعامبارىمىز (وعان اللانىڭ يگىلىگى مەن سالەمى بولسىن) بىلاي دەيدى: «مىنا سوزدەردى امالعا اسىرۋ ءۇشىن نەمەسە مۇنىمەن امال جاسايتىندارعا ۇيرەتۋ ءۇشىن كىم الادى؟» - دەپ سۇرادى:
ءابۋ ھۋرايرا:
- ءاي، اللاھتىڭ ەلشىسى! مەن دەدىم. سوسىن ول مەنىڭ قولىمنان ۇستاپ تۇرىپ مىنا بەس نارسەنى سانادى:
1. ارام نارسەلەردەن ساقتان، ادامداردىڭ ىشىندە ەڭ كوپ قۇلشىلىق ەتەتىندەردىڭ ءبىرى بولاسىڭ.
2. اللانىڭ ساعان بەرگەن نارسەلەرىنە رازى بول، ادامداردىڭ (كوڭىل تۇرعىسىنان) بايى بولاسىڭ.
3. كورشىڭە جاقسىلىق جاسا، ناعىز مۇسىلمان بولاسىڭ.
4. ءوزىڭنىڭ جاقسى كورگەن نارسەلەرىڭدى وزگە ادامدار ءۇشىن دە جاقسى كورەر بولساڭ شىنايى مۇسىلمان بولاسىڭ.
5. كوپ كۇلمە. شەكتەن تىس كۇلۋ جۇرەكتى ولتىرەدى قاتايتادى. (تيرميزي، زۋھد 2).