ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، قازاقستاننىڭ بارلىق وڭىرىنەن قاتىسقان ايتۋلى دودادا ە. لاريونوۆا 63 كەلى سالماقتا قارسىلاستارىنىڭ ءبارىن تىزە بۇكتىرىپ، جەڭىس تۇعىرىنا كوتەرىلدى. ەندى ول بيىلعى قىركۇيەك ايىندا لاس-ۆەگاستا وتەتىن الەم بىرىنشىلىگىنە دايىندالاتىن بولادى.
ايتا كەتەيىك، كىشكەنتايىنان اكەسى الەكسەيدىڭ باسشىلىعىمەن جاتتىعىپ كەلە جاتقان ەكاتەرينا الدىمەن جاسوسپىرىمدەر مەن جاستار اراسىندا ازيا، الەم بىرىنشىلىكتەرىندە توپ جاردى. ودان كەيىن ەرەسەكتەر اراسىندا دا باعىن سىناپ، 2013-جىلى ۆەنگريادا وتكەن الەم بىرىنشىلىگىندە قولا جۇلدەگەر اتاندى. 2014-جىلى موڭعوليادا جاستار اراسىندا وتكەن ازيا جانە پاۆلوداردا ايەلدەر كۇرەسىنەن بولعان قازاقستان چەمپيوناتىندا التىننان القا تاعىنسا، سودان كەيىن حورۆاتيانىڭ زاگرەب قالاسىندا جاستار اراسىندا الەم بىرىنشىلىگىندە كۇمىس جۇلدەگە قول جەتكىزدى.
قازاقستاننىڭ ۇزدىك بالۋاندارىنىڭ ءبىرى ە. لاريونوۆانىڭ باستى ماقساتى - ريو-دە-جانەيرو وليمپياداسىندا ولجا سالۋ.
اۆتور: ەلجان ەرالى